1 Samuel 12:20 - Uwumbɔr aagbaŋ

²⁰ Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.

1 Samuel 12:20 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Ilahn 101:3

kaan kii tii titunwanbir kpala. M nan binib bi fenn bipuwɔb tii Uwumbɔr na; m ni bima aan kpaan ki tun lituln.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 40:4

Binib bi di naadii tii Uwumbɔr, kaa dii ŋiwaa, kaa kpaani binib bi dii ŋiwaa na chee na, bima le kpa mpopiin sakpen.

Nnyam 23:25

Ni yaa dooni min Nidindaan Uwumbɔr kan, m ga ŋa tinyoor ŋa ni pu, le ni kan tijikaar ni nnyun, le m ga nyan iween ni chee.

Nnyam 32:30

Naah woln kitaak na, le Moses bui binib ngbaan ke, “Ni tun titunwanbir pam. Tɔ, m ga ki gir buen lijool ngbaan paab Uwumbɔr chee; nibaakan, ni ga kan chapinn nimi aatunwanbir pu.”

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Hagai 2:5

Naah nan nyan ni Ijipt aatiŋ ni na, m nan puu ke m ga li bi ni chee n‑yoonn mɔmɔk. M beenin bi ni chee, kina pu na, ni taa san ijawaan man.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 11:16

Ni taa cha nibaa ŋmann nimi aan ni yii Uwumbɔr ki fenn dii ŋiwaa ki dooni ŋi.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Josua 23:6

Kina pu na, ni pɔɔn nibaa ki kii waamɔb, ki ŋa Moses aakaal aagbaŋ aah tuk nimi ke ni ŋa pu na. Ni taa yii nkaal ngbaan mubaa,

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.

1 Samuel 12:19

le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”