1 Samuel 12:2 - Uwumbɔr aagbaŋ

² N‑yoonn mue uma le ga li lolni ni pu nsan. M ma kan, n‑yikpir piir, le m por, le njapɔtiib bi ni chee. M nan ye nimi aayidaan tibir ni, ki nan saa din wee.

1 Samuel 12:2 ပူးပေါင်းရင်းမြစ်များ

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Nkahm 27:17

ki ga ŋmaa joo bi, bi to butɔb na, nima kan, saanib aan li bi ke ipiih i chuun kaa kpa upihkpaal na.”

2 Timoti 4:6

Mma kan, m bi ke kitork na la; bi ban ke bi ku mi Yesu aabɔr pu la. Ni gur siib, maan ki li bi dulnyaa wee ni.

Josua 23:1

Naah bi cha na, le Uwumbɔr tii Israel yaab linyaŋ baadim pu, le bi kan nsuudoon. N‑yoonn ngbaan Josua nan por pam,

Josua 23:2

nima pu na, u nan yin ni Israel yaab mɔmɔk, bi nan ye bininkpiib, ni bisalolm, ni bibɔjirb, ni biyidam bi joo binib ngbaan na, le ki nan bui bi ke, “Dandana wee, m por pam.

2 Piita 1:14

M nyi ke naan yunn, le m ga di tiwon tee lii, Tidindaan Yesu Kristo aah nan tuk mi pu na.

1 Samuel 2:22

N‑yoonn mue Eli nan por pam. U nan beenin ŋun ujapɔtiib aah nan ŋani Israel yaab mbiin pu na, ni baah kpaan doo bipiib bi tun lituln Uwumbɔr Aabool aabisamɔb na chee pu na.

1 Samuel 2:29

Ni ki ŋa kinye aan ni ki lik waa kitork ni ipiin i m ban maanib chee na? Eli, ni ŋa kinye aan aa pak aajapɔtiib ki jer mi, ki cha bi ji maanib aatork aanann ti ŋan sakpen aan bi ba ban bi di tii mi na, ki moo filk cha?

1 Samuel 3:10

Le Uwumbɔr dan nan sil nima, ki yin ke waah ti yin pu na ke, “Samuel, Samuel.” Le Samuel kii ke, “Li len; saatutunn pel la.”

1 Samuel 3:13

M puen tuk u ke m ga daa waadichal aatafal ki ti saa n‑yoonn mu kaa kpa ndoon na; ba pu? ujapɔtiib len mi tibɔr ti kaa ŋan na. Eli nyi ke bi ŋani kina, le kaa sur bi.

1 Samuel 3:16

Eli nan yin u ke, “Maabo Samuel.” Le Samuel kii ke, “Maaninkpel, m sɔ.”

1 Samuel 8:1

Samuel aah nan ti por na, le u di ujapɔtiib ŋa bibɔlem Israel yaab ponn ni.

1 Samuel 8:20

aan ti mu li bi ke ŋitimbol ŋiken na, ki kpa tibaa aabɔr u ga li joo timi, ki loln ti pu nsan butɔb ni na.”

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.

1 Samuel 8:5

le ki ti bui u ke, “Lik, aa bi por la, le aajapɔtiib mu aa dii saasan. Kina pu na, nyan ubɔr u ga li joo timi na, aan ti mu li kpa ubɔr ke ntim muken aah kpa pu na.”