1 Samuel 12:19 - Uwumbɔr aagbaŋ

¹⁹ le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”

1 Samuel 12:19 ပူးပေါင်းရင်းမြစ်များ

Mpiin 20:7

Tɔ, dandana wee giin upii ngbaan tii uchal. Uchal ye maabɔnabr la, le u ga mee mi tii si, nima kan, saan kpo. Tɔ, aa yaa yii, kaa di u tii uchal kan, m sur si la, aa ni saanib mɔmɔk ga kpo.”

Job Aagbaŋ 37:13

Uwumbɔr tuni utaal le u nan sɔŋni kitiŋ, u ga ŋmaa di u daa unibɔn aatafal, ki ga ŋmaa di u mɔk bi waaŋann.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Nnyam 10:17

Nimina ma kan, di cha pinn mi, ki mee Nidindaan Uwumbɔr ke u nyan nkun aawan nimina m pu.”

Nnyam 32:30

Naah woln kitaak na, le Moses bui binib ngbaan ke, “Ni tun titunwanbir pam. Tɔ, m ga ki gir buen lijool ngbaan paab Uwumbɔr chee; nibaakan, ni ga kan chapinn nimi aatunwanbir pu.”

Nnyam 9:28

Mee Uwumbɔr, ki bui u ke ntafadaan mu u tii timi na ŋeer a. M puu ke m ga cha ni li cha; taa ki li bi do man.”

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 27:18

Bi yaa sil ye maabɔnabr le ki kpa maabɔr kan, cha bi gaŋ min Uwumbɔr Mpɔɔnsakpiindaan ke m taa cha bi yoor liwangol li gur Maadichal ni, ni nnaan aadichal ni na buen Babiloŋ aatiŋ ni.”

Jeremia 37:3

Ubɔr Sedekia nan di Selemia aajapɔɔn Jehukal ni utotoor Sefania, u aate nan ye Maaseya na tun ni ke bi nan bui mi ke m mee Tidindaan Uwumbɔr timi aatimbol pu.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Malakai 1:9

Tɔ, nimi bitotoorb, pɔɔn nibaa man ki mee Uwumbɔr ke u li kpa ti pu tiŋann. Waan kii nimi aameel, ba pu? ni tii u ipiin i kaa ŋan na la.

Nkahm 21:7

Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Lituln 8:24

Le Simonn bui Piita ni Jɔnn, “Mee Uwumbɔr tii mi, aan saah len tibɔr ti na, ti taa pii mi.”

Jemisi 5:15

Bi yaa mee Uwumbɔr ki pak ke u ga tii u laafee kan, mmeen ngbaan le ga cha ubun ngbaan pɔɔk, le Tidindaan ga fiin u. U yaa tun titunwanbir kan, u ga di cha pinn u.

1 Jɔnn 5:16

Unii yaa kan una aabo tun titunwanbir ti kaan cha u kpo na kan, u ga mee Uwumbɔr tii u. Le Uwumbɔr ga tii u limɔfal. Binib bi tun titunwanbir ti kaan cha bi kpo na, Uwumbɔr ga tii bi limɔfal. Le titunwanbir ti cha binib kpo na mu bi. Maa len ke ni li mee Uwumbɔr tii binib bi tun titunwanbir ngbaan na.

1 Samuel 12:13

“Tɔ, ubɔr u ni lee u na sɔ do; nimi le ban u, le Uwumbɔr di u tii nimi.

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 12:20

Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 7:5

Le Samuel tun yin Israel yaab mɔmɔk ke bi ti kuun Mispa aatiŋ ni, le ki len ke, “M ga ti mee Uwumbɔr tii nimi, nima chee.”

1 Samuel 7:8

le bi bui Samuel ke, “Li beenin mee Tidindaan Uwumbɔr aan u gaa timi Filistia yaab bee chee lii.”

1 Samuel 8:6

Baah nan ban pu na aa nan piir Samuel aasui, kina pu le u mee Uwumbɔr,