1 Samuel 12:18 - Uwumbɔr aagbaŋ

¹⁸ Samuel nan mee limeel, le Uwumbɔr cha utaal nun ki tar liyaadaal ngbaan. Le binib ngbaan mɔmɔk san Uwumbɔr ni Samuel mu ijawaan,

1 Samuel 12:18 ပူးပေါင်းရင်းမြစ်များ

1 Bibɔrb 18:42

Ahab aah buen u ti ji na, le Elaija jon Kamel Aajool paab le ki boon aan uyil ti koo utaŋaayil aakaasisik ni.

Esra 10:9

Joo cha ni iwiin itaa daal ngbaan, ŋmawae aawiin moninko daal na, bijab bi mɔmɔk koo Juda ni Benjaminn aapepel ni na nan kuun ni Jerusalem ni, Uwumbɔr Aadichal aapaan ni. Utaal nan bi nu sakpen, ki kpee nkuun ngbaan aanyunyuun pu na, unii mɔk nan si jii la.

Job Aagbaŋ 37:13

Uwumbɔr tuni utaal le u nan sɔŋni kitiŋ, u ga ŋmaa di u daa unibɔn aatafal, ki ga ŋmaa di u mɔk bi waaŋann.

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Nnyam 14:31

N‑yoonn mu Israel yaab kan Uwumbɔr aah di waapɔɔn nyaŋ Ijipt yaab na, le ni ŋa bi tifaan Uwumbɔr aah ŋa pu na, le bi gaa Uwumbɔr ni waatutunn Moses ki kii.

Josua 10:12

Nwiin mundaal Uwumbɔr nan di Amor yaab tii Israel yaab bi nyaŋ bi na, le Josua nan len Uwumbɔr chee, Israel yaab aanimbiin ni ke, “Nwiin, sil Gibeonn aapaacham. Uŋmal, sil Aijalonn aafataŋ aapaacham.”

Josua 4:14

Uwumbɔr aah nan ŋa pu liyaadaal ngbaan na nan cha binib ngbaan bee ke Josua ye unikpaan la. Bi mɔmɔk nan nyuŋni Josua ki ti saa waakundaal, ke baah nan nyuŋni Moses pu na.