1 Samuel 11:7 - Uwumbɔr aagbaŋ

⁷ le u chuu inaa ilee ki ku i, ki chɔi chɔi yaanann, le ki di tun Israel aatim mɔmɔk ponn ni ki len ke, “Unii umɔk yii kaa dii Sɔɔl ni Samuel ki buen butɔb ni na kan, bi ga ŋa baanaa mu kina la.” Israel aanib nan san ijawaan Uwumbɔr pu, le bi mɔmɔk kuun tɔb chee, kaa gann ubaa lii.

1 Samuel 11:7 ပူးပေါင်းရင်းမြစ်များ

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

2 Bibɔrb Aabɔr 14:14

Bi nan ŋman ki kuln ntim mu bi gbɔk Gerar na, ba pu? Uwumbɔr nan cha binib bi bi nima chee na san ijawaan sakpen. Juda aajab ngbaan nan binn ntim ngbaan mɔmɔk ki nyaŋ mu ki yoor baawan pam.

2 Bibɔrb Aabɔr 17:10

Uwumbɔr nan cha nnaan mu maln goln Ubɔr Jehosafat na san u ijawaan, kaa kaa bi ki tak u.

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Aisaya 8:13

Teer ke min Uwumbɔr Mpɔɔnsakpiindaan ngbaan bi chain; min baanja le aa ga li san ijawaan.

Bibɔjirb 19:29

Waah ti fuu na, le u koo udo ki ti ban kijuk. U nan yoor linikpol ngbaan, le ki gii gii li nfum kipiik ni mulee pu, le ki di ligeln libaabaa tun ti tii Israel aanibol kipiik ni ŋilee ngbaan.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.