1 Samuel 10:5 - Uwumbɔr aagbaŋ

⁵ Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.

1 Samuel 10:5 ပူးပေါင်းရင်းမြစ်များ

1 Bibɔrb 18:29

Bi nan beenin ŋmɔ tijar ki len yɔl yɔl le nwiin ti kpar; le nibaa aa nin ŋa, hali kifuuk kina aa nyan ni.

2 Bibɔrb 2:15

Uwumbɔr aabɔnabtiib piiŋmu bi nan nyan ni Jeriko na nan kan u le ki bui ke, “Elaija aapɔɔn bi Elaisa pu.” Bi nan tooh u nsan pu, le ki gbaan unimbiin ni,

2 Bibɔrb 2:3

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:5

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:7

le Uwumbɔr aabɔnabtiib piiŋmu dii bi buen Jɔɔdann Aamɔɔl ni. Elaija ni Elaisa nan ti sil limɔɔl ngbaan aanyun chee, le bibɔnabr piiŋmu na mu sil dandar siib.

2 Bibɔrb 3:15

Tɔ, ban ubeegbaar ubaa tii mi.” Ubeegbaar ngbaan aah bi gbaa waabeek na, le Uwumbɔr aapɔɔn sunn ni Elaisa pu,

2 Bibɔrb 4:38

N‑yoonn mu nkon nan lir kitiŋ ngbaan mɔmɔk pu na, le Elaisa gir ni Gilgal aatiŋ ni. Uwumbɔr aabɔnabtiib bibaa nan bi u chee, le u bui waatutunn ke u di likumbusakpeln tɔŋ mmii pu ki ŋaa tikpin tii bi.

2 Bibɔrb 6:1

Daalbaadaal le Elaisa aah nan ye Uwumbɔr aabɔnabtiib bi aaninkpel na dan nan bui u ke, “Taah koo nin chee na par timi a.

1 Bibɔrb Aabɔr 11:16

N‑yoonn ngbaan na, David nan bi ligongoln li bi kii li mbamɔm na le pu, le Filistia aajab bibaa nan ti gaa Betlehem aatiŋ.

1 Bibɔrb Aabɔr 13:8

le David ni binib bi mɔmɔk gur na nan gaa ilahn ki waa liwaal mpɔɔn pu ki nyuŋni Uwumbɔr. Bi nan gaa ilahn ki gbaa tibar, ni ŋigangan, ki yak ichayakrtuun, ki pii ikpiin.

1 Bibɔrb Aabɔr 16:42

Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

1 Bibɔrb Aabɔr 16:5

U nan lee Asaf le u li ye usaloln, le Sekaria paa u pu. Jeyel, ni Semiramof, ni Jehiel, ni Matitia, ni Eliab, ni Benaya, ni Obed Edom, ni Jeyel le nan gbaa tibar. Le Asaf yak ichayakrtuun,

Ilahn 49:4

M ga labr koo ŋiyataŋak ni la, le ki di kibeek gbaa kpiir ŋaatataa.

Ilahn 92:3

ni ŋan ke ti di ibeeŋmin aawan ni tibar gaa ilahn ki pak si.

1 Korenti 14:1

Pɔɔk nibaa man ki li gee binib, ki cha ninimbil li man Uwumbɔr Aafuur Nyaan aapiin pu; ni mu tee li ban ipiin i ga cha ni nabr Uwumbɔr aah len pu na, ki jer naah ban ipiin iken mɔmɔk pu na.

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 10:4

Bi ga doon si, le ki nyan ŋiboroboro kpin ŋilee tii si, le aa gaa.

1 Samuel 13:2

Le Sɔɔl nan kuun bijab ŋichur ŋitaa, ki cha ŋichur ŋilee bi u chee Mikmas aatiŋ, ni Betel aatiŋ, ŋigongon aah wiir nin chee na, ki di lichur libaa na tii ujapɔɔn Jonatann ke u di buen Gibea ni, Benjaminn aamaal aapepel ni. Sɔɔl nan cha bijab bi gur na gir kun linampal.

1 Samuel 13:3

Jonatann nan ku Filistia yaab aajab aaninkpel Geba aatiŋ ni, le Filistia yaab mɔmɔk ŋun ti. Le Sɔɔl cha bi pii ukpiin Hiibru yaab aatiŋ mɔmɔk ponn ni, ke bi nyan ni ki nan buen butɔb.

1 Samuel 19:20

Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.

1 Samuel 9:12

Le bisapɔm ngbaan kii bi ke, “Een, u bi. Mbamɔn, uma le kpaan bi nimɔb pu na. Ni yaa chuun mala kan, ni ga pii u nsan ni. Ni yaa ti kpaan koo kitiŋ ponn ni kan, ni ga kan u. Din wee le u fuu ni kitiŋ ni do; ba pu? binib ngbaan ban bi toor kitork, kitork aabimbiln paab ligongoln pu la. Baah yin ni binib bi na aan ŋmaa piin tijikaar aajim see u fuu nima waahr, ba pu? uma le ga mee Uwumbɔr kitork ngbaan pu. Ni yaa buen dandana wee kan, ni ga kan u waahr aan u nin buen ligongoln pu ke u ti ji.”