1 Samuel 10:25 - Uwumbɔr aagbaŋ

²⁵ Samuel nan kpiir tuk binib ngbaan ubɔr aasan, ni waatun aah ye pu na, le ki ŋmee ni ŋa kigbaŋ ponn ni, ki di bil Uwumbɔr aadiik ni, le ki cha binib ngbaan mɔmɔk gir kun.

1 Samuel 10:25 ပူးပေါင်းရင်းမြစ်များ

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

Ikaal 31:26

“Yoor man kigbaŋ ki Uwumbɔr Aakaal bi ki ponn ni na, ki di bil gbaŋ Nidindaan Uwumbɔr Aakaal Aadakaa, aan ki li bi nima ki ye seeraa ki tii waanib.

1 Timoti 2:2

Ni li mee Uwumbɔr kina ki tii bibɔrb, ni kitiŋ aayidam mɔmɔk, aan ti li bi tibaa pu, ki li kpa nsuudoon, ki li dii Uwumbɔr aasan, ki li ŋani tiwan mɔmɔk mbamɔm.

Taitus 3:1

Teer bi ke bi li pak kitiŋ aayidam, ni binib bi kpa tininkpir na, ki kii baamɔi, ki gor ke bi tun litunyaan mɔmɔk,

Josua 22:6

Josua nan mee Uwumbɔr aanyoor ŋa bi pu, le ki cha bi gir kun, le ki di tibɔr tee sur bi, “Ni joo liwangol le ki gir chaa kun: tiwakor, ni tikunabr, ni salmaa, ni tikumann, ni tikur, ki kpee tiwanpeenkaan pam. Naah gaa tiwan ni nimi aadim chee na, ni ti yakr ni tii niŋeen aatɔtiib biken.” Le bi siir buen. Moses le nan di kitiŋ ki bi liwipuul, Jɔɔdann Aamɔɔdapuul wɔb na tii Manase aanibol ligeln. Josua mu nan ban kitiŋ Jɔɔdann Aamɔɔl aawilir wɔb, ki tii Manase aanibol ligeln li gur na, ŋinibol ŋiwae na chee.

1 Samuel 11:14

Le Samuel mu bui bi ke, “Cha man ti mɔmɔk buen Gilgal ki ti ki gir kaan Sɔɔl nnaan.”

1 Samuel 8:9

Kina pu na, ŋun tii bi, ki tee sak bi, ki kpiir tuk bi baabɔr ngbaan aah ga nan li ŋani bi pu na.”