1 Samuel 10:23 - Uwumbɔr aagbaŋ

²³ Le bi san ti nyan ni Sɔɔl, ki di dan binib ngbaan ponn ni; le bi kan ke u fɔk ki paa unii mɔmɔk pu liyil.

1 Samuel 10:23 ပူးပေါင်းရင်းမြစ်များ

Mpiin 3:24

le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”

1 Samuel 17:4

Bi nan yin Filistia aaja ubaa ke Goliaf, u ye Gaf aanii na, le u nyan ni Filistia yaab aakakaa ni, ki nan kpak Israel yaab ki mɔk bi waapɔɔn. U nan ye liwɔkl, le ki fɔk ti nyaŋ,

1 Samuel 9:1

Uwankpadaan ubaa nan bi n‑yoonn ngbaan, bi nan yin u ke Kis, u ye Benjaminn aanibol aanii la. Ute le nan ye Abiel, le uyaaja ye Seror, ki ye Bekoraf aadiik ni aanii, ki ye Afia aataŋaal ponn ni aadichal.

1 Samuel 9:2

U nan kpa japɔɔn ubaa bi yin u ke Sɔɔl. Sɔɔl nan ye unachipɔɔn u ŋan na la, le ki nan paa Israel yaab aanii mɔmɔk pu liyil, le ki ŋan jer bi mɔmɔk.