1 Samuel 10:20 - Uwumbɔr aagbaŋ

²⁰ Le Samuel cha linibol mɔmɔk nyan ni libaabaa, le Uwumbɔr nyan Benjaminn aanibol.

1 Samuel 10:20 ပူးပေါင်းရင်းမြစ်များ

2 Samuel 3:19

Abner nan ki bui Benjaminn aanibol aanib tibɔr ngbaan, le ki buen Hebronn ke u ti bui David, Benjaminn aanib ni Israel aanib aah kii ke bi ga ŋa pu na.

Jona 1:7

Biŋɔŋaab ngbaan nan bui tɔb ke, “Cha ti pul kipulk timi aakaal aah mɔk pu na man, ki lik ke ŋma ye unimbɔŋdaan u joo ni timi linimaln limina na.” Bi nan ŋa kina, le ki kan ke Jona le ye unimbɔŋdaan.

Ikaal 33:12

U nan ŋa tinyoor ŋa Benjaminn aanibol pu ki bui ke; “Linibol limina le Uwumbɔr gee, le ki kii li. Uma le bii bi pu iwiin mɔmɔk, le ki bi bikaasisik ni.”

1 Samuel 10:19

Min le ye nimi Aawumbɔr, u nyan ni nimi tibɔr, ni ŋimuk mɔmɔk ponn ni na, le din wee ni yii mi, le ki bui mi ke m tii nimi ubɔr. Ni ŋan, kina pu na, kuun tɔb man, ki kal ŋinibol ŋinibol, ni imaal imaal, Uwumbɔr aanimbiin ni.’”

1 Samuel 10:21

Le Samuel cha laamaal nyan ni mubaabaa, le Uwumbɔr nyan Matri aamaal. Le Matri aajab nyan ni, le Uwumbɔr nyan Kis aajapɔɔn Sɔɔl. Le bi lik ban u, le kaa kan u,

1 Samuel 14:38

Le Sɔɔl bui binib ngbaan aayidam ke, “Dan do man, ki nan lik ke ba aatunwanbir ti tun din wee.

1 Samuel 14:41

Sɔɔl nan bui Uwumbɔr u ye bima Israel yaab Aadindaan na ke, “Uwumbɔr, ba ŋa saa gar mi din wee? Uwumbɔr u ye Israel yaab Aadindaan na, di ŋitakpal ŋi bi joo beer saageehn na gar mi. Tibɔbir yaa bi Jonatann, bee min pu kan, di Urim aatakpal mɔk; tɔ, ni yaa ye saanib Israel yaab kan, di Tumim aatakpal mɔk.” Le ngarm ngbaan lir Jonatann ni Sɔɔl pu, le binib ngbaan nyan.