1 Samuel 10:2 - Uwumbɔr aagbaŋ

² aa yaa nyan m chee do din ki cha kan, aa ga ti kan bijab bilee bibaa Rachel aakaakul chee, Selsa aatiŋ ni, ki bi Benjaminn aatiŋ ni na. Bi ga bui si ke saah nan bi ban ibon i na, bi kan i a, le aate aa ki dak i pu, ki gur dak sin pu la, le ki baa n‑yoonn mɔmɔk ke, ‘M ga ŋa maabo aabɔr tee kinye?’

1 Samuel 10:2 ပူးပေါင်းရင်းမြစ်များ

Mpiin 35:16

Jakob ni waamaal nan nyan Betel aatiŋ ni ki cha, kaa kee fuu Efraf aatiŋ ni, le imalween chuu Rachel, ki ye imalween i pɔɔ ti nyaŋ na.

Mpiin 48:7

Aana Rachel pu le m bi ŋani kina. U nan kpo Kanaann aatiŋ ni, naa daa Efraf chee, n‑yoonn mu m nan nyan Mesopotamia aatiŋ ni na. Le ni bii nsui pam. M di u sub Efraf aatiŋ aasan chee la.” Dandana wee bi yin Efraf aatiŋ ngbaan ke Betlehem la.

Jeremia 31:15

Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Josua 18:28

ni Sela, ni Ha Elef, ni Jebus, bee Jerusalem, ni Gibea, ni Kiriaf Jearim aatim: ntim ngbaan mɔmɔk nan ti saa ntim kipiik ni munaa la, le ki kpee itingbaan i bi gbɔk mu na. Ntim mu Benjaminn aamaal nan gaa aan mu ye baatiŋ na le na.

1 Samuel 10:16

Le Sɔɔl ki bui u ke, “U ti bui timi ke bi kan i a,” le kaa bui utewaa Samuel aah bui u ke u ga ŋa ubɔr pu na ma.