1 Samuel 10:18 - Uwumbɔr aagbaŋ

¹⁸ le ki bui bi ke, “Uwumbɔr u ye timi Israel yaab Aawumbɔr na bui ke, ‘M nyan ni nimi Ijipt ponn ni, ki gaa nimi lii Ijipt yaab, ni binib bi mɔmɔk nan muk nimi na chee.

1 Samuel 10:18 ပူးပေါင်းရင်းမြစ်များ

Nnyam 29:46

le bi ga bee ke min le ye Bidindaan Uwumbɔr u nyan ni bi Ijipt aatiŋ ni na, nima kan, m ga ŋmaa li bi bi chee. Min le ye Bidindaan Uwumbɔr.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.

1 Samuel 12:8

Jakob ni waadichal aah nan buen Ijipt, aan Ijipt yaab ti muk bi na, niyaajatiib nan wii ki ban nterm Uwumbɔr chee, le u tun ni Moses ni Aaronn, le bi nan nyan bi Ijipt ponn ni, ki nan di bi kaan kitiŋ kee pu.