1 Samuel 10:12 - Uwumbɔr aagbaŋ

¹² Uja ubaa u koo nima na le ki baa ke, “Tɔ, ni dak ke bibɔnabr biken na aate ye ŋma?” Nimina pu le tibɔr timina nan piin ke, “Hali Sɔɔl mu kpaln Uwumbɔr aabɔnabr la aa?”

1 Samuel 10:12 ပူးပေါင်းရင်းမြစ်များ

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Jɔnn 6:45

Uwumbɔr aabɔnabtiib nan ŋmee ke Uwumbɔr ga mɔk bi mɔmɔk waasan. Unii umɔk ŋun Nte Uwumbɔr aah len pu na, ki bae waakaal na, u ga dan m chee.

Jɔnn 7:16

Le u bui bi, “Maah mɔk binib na, naa ye min mbaa aamɔkm, ni ye Uwumbɔr u tun ni mi na aamɔkm la.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

1 Samuel 10:13

Sɔɔl aah pak Uwumbɔr kina ki ti doo na, le u buen kitork aabimbiln chee, ligongoln paab.

1 Samuel 19:23

le u cha nima chee. Waah cha na, le Uwumbɔr Aafuur Nyaan gbiin u mu, le u pak Uwumbɔr, Waafuur Nyaan aapɔɔn pu, ki ti saa Nayof.

1 Samuel 19:24

U nan chuu peer waawanpeenkaan ki pak Uwumbɔr, Waafuur Nyaan aapɔɔn pu, Samuel aanimbiin ni. Nwiin ngbaan pu ki ti woln kitaak, u nan dɔ u ŋmeen la. Nima chee le tibɔr tee nan nyan ni ke, “Sɔɔl mu kpaln Uwumbɔr aabɔnabr la aa?”