1 Samuel 10:11 - Uwumbɔr aagbaŋ

¹¹ Binib bi nan puun nyi u na kan waah bi ŋani pu na, le ki baa tɔb ke, “Ba ŋa Kis aajapɔɔn wee? Sɔɔl mu kpaln Uwumbɔr aabɔnabr la aa?”

1 Samuel 10:11 ပူးပေါင်းရင်းမြစ်များ

Amos 7:14

Le Amos bui u ke, “Maa ye ubɔnabr. Unii ubaa mu aa mɔk mi Uwumbɔr aabɔnabr aatuln. M ye upihkpaal la, le ki lik ŋisubil aasui mu.

Amos 7:15

Le Uwumbɔr chuu nyan mi maapihkpaal ponn ni ki bui mi ke m ti nabr waabɔr tuk waanib Israel yaab.

Jɔnn 7:15

Le ni gar Juu yaab aaninkpiib, ke uja ngbaan aa bae mbaem; u ŋa kinye ki nyi kigbaŋ?

Lituln 3:10

Le bi bee ke u ye uwanmeer u nan ka Uwumbɔr Aadichal aabisamɔb nyaan chee na. Waah pɔɔk na, le ni gar bi pam.

Lituln 4:13

Bininkpiib ngbaan nan bee ke Piita ni Jɔnn aa ye binib bi nyuun na, kaa bae mbaem, le ki kpa lipobil ki len. Baah kpa lipobil pu na, le ni gar bininkpiib ngbaan. Bi bee ke bi nan ye Yesu aajɔtiib la.

Lituln 9:21

Le ni gar binib bimɔk ŋun waah len pu na. Le bi baa tɔb, “Naa ye uja ngbaan le nan ŋa Yesu aanib falaa Jerusalem ponn ni ii? U dan do, ke u nan chuu bi, ki di tikululn buu bi, ki di bi buen Jerusalem, ki ti di bi ŋa Uwumbɔr aatotoorninkpiib aaŋaal ni.”

1 Samuel 19:24

U nan chuu peer waawanpeenkaan ki pak Uwumbɔr, Waafuur Nyaan aapɔɔn pu, Samuel aanimbiin ni. Nwiin ngbaan pu ki ti woln kitaak, u nan dɔ u ŋmeen la. Nima chee le tibɔr tee nan nyan ni ke, “Sɔɔl mu kpaln Uwumbɔr aabɔnabr la aa?”