1 Samuel 10:1 - Uwumbɔr aagbaŋ

¹ Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 10:1 ပူးပေါင်းရင်းမြစ်များ

2 Samuel 1:14

Le David baa u ke, “Aa kaar kinye ki ti ku ubɔr u Uwumbɔr lee u na?”

2 Samuel 19:39

Le David ni waajab mɔmɔk puur Jɔɔdann Aamɔɔl. U nan moor Basilai aatakpiln, ki mee Uwumbɔr aanyoor ŋa u pu, le Basilai gir kun linampal.

2 Samuel 20:19

Timi aatiŋ ye kitikpaan la; ki ye Israel aatiŋ ki bi suuna, ki kii tii ubɔr na. Ba ŋa aa ban aa bii ki? Aa ban aa bii doo tiwan ni ye Uwumbɔr yaan na la aa?”

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

1 Bibɔrb 1:34

Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

1 Bibɔrb 19:18

Le m ga cha binib ŋichur ŋilole ŋmar Israel aatiŋ pu, bima le ye bi mɔmɔk kii maamɔb, kaa gbaan liwaal Baal aanimbiin ni, kaa moor laanaŋ na.”

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

2 Bibɔrb 9:1

N‑yoonn mue na, Uwumbɔr aabɔnabr Elaisa nan yin bibɔnabpɔm ngbaan ponn ni ubaa ki nan bui u ke, “Gor aabaa ki buen Ramof aatiŋ ki bi Gilead aatiŋ pu na ni. Li joo olif aakpasambil limina.

2 Bibɔrb 9:12

Le bi bui u ke, “Aayii, taa nyi. Bui timi waah len pu na.” Le Jehu bui bi ke, “U bui mi ke Uwumbɔr le len ke, ‘M kaan si Israel aanaan.’”

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ilahn 78:71

nin chee u bi kpaa waapiih na, le ki di u ŋa Israel yaab aabɔr, Uwumbɔr aanib aapihdaan.

Nnyam 30:23

“Di mbaabil ŋi nu mɔ na, ni li ye mir aanyun kuruwaa biloob, ni tiwan ni nu mɔ aan bi yin ni ke sinamonn na kuruwaa bitaa, ni ŋibun aayon kuruwaa bitaa,

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Esekiel 16:13

Aa nan kpa salmaa ni tikunabr aawanyaan, le ki gbab ŋikeken ŋi kpa nyɔla nyɔla ki ye ŋitanyaan, ni ŋi ŋar bɔl bɔl na, n‑yoonn mɔmɔk. Aa nan ŋmɔ n‑yonyaan aaboroboro la, le aa kpa tisiir, ni olif aakpan ki ji. Saanyaan nan deer ŋinimbil la, le aa kpaln upiibɔr.

Hosea 13:2

Baah beenin naani tikur aawan ki dooni ni na, le bi beenin tun titunwanbir, bi dooni tikunabr aawaa ŋi unibɔn di waalan naan ŋi uyil ni, ki di uŋaal ŋa ŋi na. Le bi bui ke, “Toor kitork tii ŋi man.” Binib ga ŋa kinye ki moor ŋiwaa ŋi bi naan ŋi ke inaaja na?

Lituln 13:21

N‑yoonn ngbaan le bi len ke bi ban ubɔr, u li joo bi. Baah len kina na, le Uwumbɔr nyan Sɔɔl, u nan ye Kis aajapɔɔn na, u li ye baabɔr. U nan ye Benjaminn aanibol ponn ni aanii, ki nan joo bi ŋibin imonko ilee la.

Ikaal 32:9

le ki nyan Jakob aamaal ke bi li ye waanib.

1 Tesalonika 5:26

Ni doon tinaabitiib mɔmɔk mbamɔm.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 13:14

Tɔ, n‑yoonn mue na, saanaan aan buen mɔb; ba pu? aa yii Uwumbɔr, le u ga ban uja u u gee na, ki di u ŋa waanib aajojoor.”

1 Samuel 15:1

Samuel nan bui Sɔɔl ke, “Min le Uwumbɔr tun ni ke m nan kaan si nnaan, aa li ye waanib Israel yaab aabɔr. Tɔ, li pel Uwumbɔr u yeh mpɔɔn mɔmɔk na aah kpa pu u bui si na.

1 Samuel 15:17

Samuel nan bui u ke, “Hali saah nan lik seen aabaa pu na, aa ye Israel aanibol ngbaan aayidaan la. Uwumbɔr le di si ŋa Israel yaab aabɔr,

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”

1 Samuel 24:6

Le u bui waajab ke, “Uwumbɔr taa cha m ŋa maaninkpel, u uma Uwumbɔr lee u ubɔr na taani ubaa. Maan ŋa u nibaa siib kina; ba pu? uma le Uwumbɔr ŋa u ubɔr.”

1 Samuel 26:11

Uwumbɔr aan kii ke m tun unii u uma Uwumbɔr ubaa ŋa u ubɔr na titunwanbir. Cha ti yoor waakpaatuŋ, ni waanyun aatuun, ki li cha.”

1 Samuel 26:9

Le David bui u ke, “Taa ŋa u nibaa. Uwumbɔr ga sil daa unii u ŋa waabɔr u u lee u na taani na aatafal.”

1 Samuel 8:19

Binib ngbaan aa nan pel Samuel aah len pu na, le ki bui ke, “Aayii. Ti ban ubɔr la,

1 Samuel 8:9

Kina pu na, ŋun tii bi, ki tee sak bi, ki kpiir tuk bi baabɔr ngbaan aah ga nan li ŋani bi pu na.”

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”

1 Samuel 9:27

Baah ti ban bi nyan kitiŋ ngbaan ni na, le Samuel bui Sɔɔl ke, “Bui ututunn ngbaan ke u loln ti pu nsan ki li cha.” Le ututunn ngbaan siir, le Samuel ki bui Sɔɔl ke, “Sil do siib, aan m bui si Uwumbɔr aah len pu na.”