1 Samuel 1:8 - Uwumbɔr aagbaŋ

⁸ Le uchal Elkana ga ti baa u ke, “Hana, ba ŋa si aa wii? Ba ŋa saan ji tijikaar? Ba ŋa aasui bii kina? Maa jer mbim kipiik aa chee ee?”

1 Samuel 1:8 ပူးပေါင်းရင်းမြစ်များ

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

Job Aagbaŋ 6:14

Tibɔbir kina aaboln ni kan, m ban jɔtiibamɔm la, M yaa yii Uwumbɔr, bee maa yii u kan, m ban jɔtiibamɔm la.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Aisaya 54:1

Jerusalem, aa nan bi ke upii u kaa kpa mbim na la, le dandana ma aa ga ŋmaa teen ki gaa ilahn ni mpopiin. Dandana aa ga kan mbim ki jer upii u aachal aa kee buen nibaa chee ki cha u na.

Aisaya 54:6

Israel aatimbol, aa naahn upiisapɔɔn u aachal san cha u aan ilandak joo u na la. Le Uwumbɔr di si giin ni u chee ki bui ke:

Jɔnn 20:13

Le bi baa u, “Upii, ba ŋa si aa wii?” Le u bui bi, “Bi nyan Ndindaan aawon la. Maa nyi baah di ti ŋa nin chee na.”

Jɔnn 20:15

Le Yesu baa u, “Upii, ba ŋa si aa wii? Aa ban ŋma?” Mari nan nyi ke uja u kii kisaak na ye. Le u bui u, “Maaninkpel, aa yaa di waawon ŋa nin chee na kan, mɔk mi, m ti yoor.”

1 Tesalonika 5:14

Tinaabitiib, ti gaŋ nimi, ke ni sur binib bi kaa ban bi tun lituln na, ki li pɔɔni binib bi aataakpab yɔl na aataakpab, ki ter binib bi kaa pɔɔ na, ki li kpa limɔr binib mɔmɔk pu.

Ruf Aagbaŋ 4:15

Aabipuu gee si la, le waah ŋa pu tii si na jer mbijabim bilole aah ga ŋmaa ter si pu na. N‑yoonn mue u tii si yaabil u ga tii si limɔfapɔln ki li kii si buyoonn aa por na.”

1 Samuel 1:7

Ni nan bi kina le ŋibin mɔmɔk; n‑yoonn mumɔk bi nan ti buen Uwumbɔr Aadichal ponn ni na kan, Penina nan bii Hana aasui sakpen le u ti piin ki wii, ki yii kaan ji nibaa.