1 Samuel 1:24 - Uwumbɔr aagbaŋ

²⁴ Waah nan giin u libiil na, le u di u buen Silo, ki joo ŋibin ŋitaa aanaaja, ni n‑yon kuruwaa kipiik, ni ŋisubil aadaan lidabuul libaa. Samuel nan laa par, le u di u buen Silo, Uwumbɔr Aadichal ponn ni.

1 Samuel 1:24 ပူးပေါင်းရင်းမြစ်များ

Mpiin 21:8

Aisak nan muun, le waah nan lii libiil na, Abraham nan ŋa njim sakpiin.

1 Bibɔrb 11:20

U nan ma u ubijabo, le bi yin u ke Genubaf, le ubɔrpii nan kpiin ubo ngbaan libɔrdichal ni, le u nan bi nima chee ke ubɔr aabim na.

Matiu 13:33

Yesu nan ki ŋakl bi liyataŋakl liken ke, “Uwumbɔr aanaan naahn boroboro aanyɔk mu upii nan di ŋa boroboro aayon ponn ni, aan boroboro ngbaan mɔk duun na la.”

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 16:16

“Nimi aatiŋ ni aajab mɔmɔk kuun dan nin chee ni dooni Uwumbɔr na, ki nan doon u nfum mutaa libiln libaa ni: Lakr‑jer Aajim, ni Lijikaacheel Aajim, ni Tikakar Aajim aayoonn. Uja mɔk li joo ni ipiin waah ŋman pu na,

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.