1 Samuel 1:23 - Uwumbɔr aagbaŋ

²³ Le Elkana kii ke, “Tɔ, ŋa nimɔk aa dak ke ni ŋan na; li bi linampal aan ki ti saa buyoonn aa ga giin u libiil na, ki cha Uwumbɔr sil aa pu aan saah puu tipuur ti na gbiin.” Nima pu le Hana nan gaar linampal ki lik waabo.

1 Samuel 1:23 ပူးပေါင်းရင်းမြစ်များ

2 Samuel 7:25

“Tɔ, Ndindaan Uwumbɔr, cha saah puu tipuur ti m ni n‑yaabitiib pu na gbiin kina n‑yoonn mɔmɔk, ki ŋa saah bui ke aa ga ŋa pu na.

1 Bibɔrb 3:21

Kitaak aah woln, aan m fii ki ban m ŋaan maabo libiil na, le m kan ke u kpo a. Le m moo too lik u mbamɔm, le ki kan ke maabo aa ye.”

Ilahn 22:9

Uwumbɔr, sin le nan nyan ni mi nna aaponn ni le m fu, le maah nan laa ye ubo pu na, aa kii mi.

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Matiu 24:19

N‑yoonn ngbaan, bipiib bi kpa ŋipuu na, ni bipiib bi kpa mbim bi laa ŋaa libiil na ga li kpa kinimbaak.

Tibɔnyaan ti Luk ŋmee ti na 11:27

Yesu aah len kina na, le kinipaak ngbaan ponn ni upii ubaa len mpɔɔn pu, “Uwumbɔr aanyoor bi upii u ma si ki tii si libiil na pu.”

1 Samuel 1:17

Le Eli bui u ke, “Li cha ni nsuudoon, aan Israel yaab Aawumbɔr tii si saah mee u tiwan ni na.”

1 Samuel 14:36

Sɔɔl nan ki bui waajab ke, “Cha ti buen ti tak Filistia yaab kinyeek kee, ki ku bi mɔmɔk, ki yoor baawan ti woln kitaak.” Le bi kii ke, “Ŋa saah dak ke nimɔk ŋan na.” Le utotoor na bui bi ke, “Cha ti puen baa Uwumbɔr waahr.”

1 Samuel 14:40

Le Sɔɔl ki bui bi ke, “Ni mɔmɔk li si nima man, aan m ni njapɔɔn Jonatann mu li si do chee na.” Le bi bui ke, “Ŋa saah dak ke nimɔk ŋan na.”