1 Samuel 1:22 - Uwumbɔr aagbaŋ

²² N‑yoonn mue na, le Hana aa nan buen. U nan bui uchal ke, “M yaa nan giin ubo libiil n‑yoonn mu na kan, le m ga kpaan di u buen Uwumbɔr Aadichal ponn ni, nin chee u ga ti li bi ki ti saa waakun daal na.”

1 Samuel 1:22 ပူးပေါင်းရင်းမြစ်များ

Ilahn 110:4

Uwumbɔr puu tipuukpaan, kaan kpeln ti ke, “Aa ga li ye utotoor ki ti saa n‑yoonn mu kaa kpa ndoon na ke Melkisedek aah nan ye pu na la.”

Ilahn 23:6

M nyi ke aa ga li gee mi, ki ŋani mi tiŋann, ki ti saa maakundaal; le saadichal ga li ye ndo maamɔfal ni ki ti saa maakundaal.

Ilahn 27:4

M mee Uwumbɔr tiwan nibaa la; tiwan nibaa baanja le m ban, ke m li bi Uwumbɔr Aadichal ni n‑yoonn mɔmɔk ki mee u, u mɔk mi waasan, aan waaŋann li ye iwaan aawan m chee.

Nnyam 21:6

nima na udindaan di unaagbiija ngbaan dan Uwumbɔr aanimbiin ni, ki cha u sil kidiik aabisamɔb chee aan bi saa chir utafal. Le n‑yoonn ngbaan ki joo cha u ga li ye waanaagbiija ki ti saa waamɔfal aadoon.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Liifai Yaab 25:23

Ni taa di nimi aatiŋ kooh tii ubaa u li joo ki kookoo, ba pu? nimi le aa yeh kitiŋ ngbaan, Uwumbɔr le yeh ki. Ni naahn biwɔwɔm la, le u di ki tii nimi, ni li ko ki ji.

Tibɔnyaan ti Luk ŋmee ti na 2:22

Buyoonn ni ŋeer bi ŋa Mari chain, Moses aakaal aah mɔk pu na, le bi di ubo ngbaan buen Jerusalem, bi ti di u tii Uwumbɔr.

Ikaal 16:16

“Nimi aatiŋ ni aajab mɔmɔk kuun dan nin chee ni dooni Uwumbɔr na, ki nan doon u nfum mutaa libiln libaa ni: Lakr‑jer Aajim, ni Lijikaacheel Aajim, ni Tikakar Aajim aayoonn. Uja mɔk li joo ni ipiin waah ŋman pu na,

Josua 4:7

ni tuk bi ke bundaal bi nan di Uwumbɔr Aakaal Aadakaa koo sil Jɔɔdann Aamɔɔl ni na, limɔɔl ngbaan aanyun nan sil kaa ki puu. Ŋitakpal ŋee le ga li teer Israel yaab tiwan ni nan ŋa do na, n‑yoonn mɔmɔk.”

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 1:28

Kina pu le m joo ni u m nan di tii Uwumbɔr. N‑yoonn mumɔk u bi limɔfal ponn ni na, u ga li ye Uwumbɔr yoo la.” Le bi doon Uwumbɔr nima chee.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 2:11

Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 28:2

Le David kii u ke, “Mbamɔn, m ye saatutunn la. Aa ga kan maah ga ŋa pu na.” Akis nan bui u ke, “Ni ŋan. M ga di si ŋa mbaa aakikiir n‑yoonn mɔmɔk la.”

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.