1 Samuel 1:19 - Uwumbɔr aagbaŋ

¹⁹ Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 1:19 ပူးပေါင်းရင်းမြစ်များ

Mpiin 21:1

Uwumbɔr nan ŋa tinyoor ŋa Sara pu, waah nan puu ke u ga ŋa pu na,

Mpiin 30:22

Tɔ, Uwumbɔr aa ki suln Rachel aabɔr, u nan ŋun waameel le ki cha ni ŋaŋ u chee, le u ma mbim.

Mpiin 4:1

Adam nan doon upuu chee, le u dek lipuul, ki ma ubijabo, le ki bui ke u kan ubo, Uwumbɔr aaterm pu, nima pu na, u ga yin u ke Kainn.

Mpiin 8:1

Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

2 Bibɔrb 4:17

Tɔ, Elaisa aah len pu na, libiln aah nan saa n‑yoonn ngbaan na le u ma ubijabo.

Ilahn 119:147

M fii lichakpitaawoln le ki yin si ki ban nterm; maamakl bi saah puu tipuur ti na ni la.

Ilahn 136:23

Bidim aah nyaŋ timi na, waa nan suln ti bɔr; waageehm aa kpa ndoon.

Ilahn 25:7

Di maabiyar ponn ni aatunwanbir ni taani cha pinn mi. Uwumbɔr, saah kpa ngeehm ni tiŋann n‑yoonn mɔmɔk pu na, teer mbɔr.

Ilahn 5:3

aa ŋun maameel kichakpiik ni; nwiin yaa puu kan, le m di maameel tii si, ki kii saah ga gar mu pu na.

Ilahn 55:17

Maamuk ni maadun chaa u chee kichakpiik ni, ni nwiin pu, ni kinyeek, le u ga ŋun maaneel pu.

Tibɔnyaan ti Mak ŋmee ti na 1:35

Njan aakooja aah wii na, le Yesu fii ki nyan lipaal, ki buen nibaa chee, le ki ti bi nima ubaa ki mee Uwumbɔr.

Tibɔnyaan ti Luk ŋmee ti na 23:42

le ki bui Yesu, “Ndindaan, aa yaa jin saanaan kan, aa teer mbɔr.”

Josua 18:25

Ntim mu nan ki kpee na le ye Gibeonn, ni Rama, ni Beerof,

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 15:34

Samuel nan buen Rama aatiŋ ni, le ubɔr Sɔɔl mu kun Gibea aatiŋ ni.

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 19:18

David nan san ŋmar, le ki buen Samuel chee, Rama aatiŋ ni, ki ti bui u Sɔɔl aah ŋa u pu na mɔmɔk. Le u ni Samuel buen Nayof, ki ti bi nima.

1 Samuel 2:11

Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 25:1

Samuel nan kpo, le Israel yaab mɔmɔk kuun dan nan wii waakpuul. Bi nan ti sub u udo aatiŋ Rama ni la. Nee aapuwɔb le David buen Parann aateersakpiin ni.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.

1 Samuel 8:4

Le Israel aayidam mɔmɔk kuun tɔb, ki di buen Samuel chee Rama aatiŋ ni,

1 Samuel 9:26

Kichakpinaanyeek ni le Samuel yin Sɔɔl kidiik aapaacham nima ke, “Fii, aan m chɔi si.” Le Sɔɔl fii, le u ni Samuel kpaan buen kitiŋ ponn ni.