1 Samuel 1:11 - Uwumbɔr aagbaŋ

¹¹ Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 1:11 ပူးပေါင်းရင်းမြစ်များ

Mpiin 28:20

Le u nan puu tipuur nima chee ki tii Uwumbɔr ke, “Sin Uwumbɔr yaa ga li bi m chee, ki joo mi maasachuln ni, ki ga tii mi tijikaar ni tiwanpeenkaan,

Mpiin 29:32

Lea nan dek lipuul, le ki ma ubijabo. Le u bui ke, “Uwumbɔr kan maamukl. Maah ma ubijabo wee na, nchal ga li gee mi.” Nima pu na, u nan yin ubo ngbaan ke Rubenn.

Mpiin 30:22

Tɔ, Uwumbɔr aa ki suln Rachel aabɔr, u nan ŋun waameel le ki cha ni ŋaŋ u chee, le u ma mbim.

Mpiin 8:1

Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

Ilahn 25:18

Lik maasuubiin, ni maafalaa wee, ki di maatunwanbir mɔmɔk cha pinn mi.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Ŋiyataŋak 31:2

“Sin le ye njapɔɔn u m gee u na, u Uwumbɔr nan di gaa maameel na. M ga bui si ke ba?

Ulandaan 5:4

Kina pu na, aa yaa puu tipuur tii Uwumbɔr kan, li joo ti gbin gbin. Waa kpa ujɔr aayoonn. Ŋa saah puu ke aa ga ŋa pu na.

Liifai Yaab 27:2

ke u di mɔk Israel yaab. Ni yaa di unibɔn le pan tii Uwumbɔr ni giin tipuur kpaan aapɔln kan, ni ga ŋmaa pa ŋimombil ŋi aabɔr paa na ki gaa udaan lii.

Nkahm 21:2

Le Israel yaab puu tipuur tii Uwumbɔr ke, “Aa yaa cha ti ŋmaa nyaŋ binib bee kan, ti ga kuln bi, ni baatim mɔmɔk.”

Nkahm 6:11

Utotoor ga di libaa toor titunwanbir aatork, ki di liken na toor ki see li mmii ni, ki ŋaŋ u waah meeh linikpol pu na. Liyaadaal ngbaan unii ngbaan ga ki di waayikpir ti ga ki pa na giin tii Uwumbɔr,

Nkahm 6:5

Buyoonn u ti puu kina aapuur na, u taa kuu uyikpir. Waah puu tipuur ki di ubaa tii Uwumbɔr na, u cha uyikpir ni ulangbaln aakor li bi, u taa kuu ti.

Nkahm 6:8

Buyoonn u nyan ubaa siin kina aasisii na, u ye Uwumbɔr aanii la.

Bibɔjirb 11:30

Jefta nan puu tii Uwumbɔr ke, “Aa yaa cha m nyaŋ Amonn yaab ki gir choo kan,

Bibɔjirb 13:5

le aa yaa nan ma aajapɔɔn ngbaan kan, aa li nyi ki taa di kijuk meeh uyikpir, ba pu? ki nya nwiin mundaal aa ma u na, u ga li ye Uwumbɔr yoo le ki tun waatuln. Uma le ga piin ki nyan Israel aanib Filistia yaab aaŋaal ni.”

1 Samuel 1:12

Hana nan bi mee Uwumbɔr ni ti yunn pam, le Eli nan ka lik umɔgban.

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 1:22

N‑yoonn mue na, le Hana aa nan buen. U nan bui uchal ke, “M yaa nan giin ubo libiil n‑yoonn mu na kan, le m ga kpaan di u buen Uwumbɔr Aadichal ponn ni, nin chee u ga ti li bi ki ti saa waakun daal na.”

1 Samuel 1:27

M nan mee u ubo wee la, le u tii mi maah ban pu na.

1 Samuel 1:28

Kina pu le m joo ni u m nan di tii Uwumbɔr. N‑yoonn mumɔk u bi limɔfal ponn ni na, u ga li ye Uwumbɔr yoo la.” Le bi doon Uwumbɔr nima chee.

1 Samuel 2:20

Le Eli ga ŋa Uwumbɔr aanyoor ŋa Elkana ni upuu pu, ki bui Elkana ke, “Uwumbɔr tii si mbim muken upii wee chee aan bi leŋ naah di ubo u tii u na aaleleŋ.” Nee aapuwɔb le bi gir kun.