1 Piita 5:2 - Uwumbɔr aagbaŋ

² ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

UWONBƆR A GBƆNPƆŊ LIKƆƆNL

² Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;

1 Piita 5:2 ပူးပေါင်းရင်းမြစ်များ

2 Bibɔrb 12:6

Tɔ, Joas aanaan aabin moninko ni litatar ponn ni, bitotoorb ngbaan aa nan toor Uwumbɔr Aadichal nibaa chee.

Solomonn Aalahn 1:8

Upii nyanyaan, saa nyi nima chee ee? Saa nyi kan, li dii tiwakor cha; li kii saaŋoob biwakodam aaboo chee.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Aisaya 6:8

N‑yoonn ngbaan le m ŋun Ndindaan aaneel len ke, “M ga tun ŋma? Ŋma ga li ye timi aatuun?” Le m bui ke, “M ga buen. Tun mi.”

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 13:20

Jerusalem aatiŋ, lik, saadim le nyan ni ŋŋangan wɔb ki choo na. Binib bi bi di ŋa aaŋaal ni na bi la chee, saanib bi aa nan mak bi pu sakpen na bi la?

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Esekiel 34:31

Tidindaan Uwumbɔr ki len ke, “Nimi maapiih, kipihpaak ki m kpiini na le ye maanib, le m ye nimi Aawumbɔr.”

Esekiel 46:24

Uja ngbaan nan bui mi ke, “Ifan imina ponn ni le Uwumbɔr Aadichal ni aatutum ga ŋaa binib aah toor kitork ki na aanann.”

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Sekaria 11:17

Upihkpaal fam ngbaan aamɔfal junn a. U san cha waapiih. Butɔb ga bii waapɔɔn pel pel. Uŋaal ga faan, le unimbigiir mu jɔb.”

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Nkahm 18:7

Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Lituln 20:29

M nyi ke m yaa kaa ki bi ni chee kan, binib ga dan nan bii nimi, ke ŋisapol aah chuun chur ipiih pu na.

Lituln 21:13

Le Pɔɔl baa bi, “Ni ŋani ba kina, ki wii, ki bii nsui? Bi yaa ga ti buu mi Jerusalem ni, bee bi yaa ga ti ku mi nima Tidindaan Yesu pu kan, m ga buen. Maan di cha.”

Rom Yaab 1:15

Nima le m ban ke m tuk nimi bi bi Rom aatiŋ ni na mu tibɔnyaan ngbaan.

1 Korenti 9:7

Unii yaa ye butɔb aaja kan, baa pa u lipal aa? Unii yaa ko kisaak kan, waan ji tijikaar ti bi ki ni na aa? Unii yaa kpaa inaa kan, waan wub nnaabiin aa?

1 Timoti 3:3

U taa li ye udagbiir, ki taa gbaa binib [ki taa li kpa iniman]. U li bi suuna ki taa li kpa kinikpakpak. Unimbil taa li man ŋimombil pu.

1 Timoti 3:8

Tɔ, ki joo cha Yesu aanib aateterb wɔb na, ni ŋan ke bi mu li kpa laasaab. Bi taa len fam fam. Bi li ŋani baah len pu na. Bi taa li ye bidagbiib. Binimbil taa li man ŋimombil pu.

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

Taitus 1:7

Uwumbɔr aanib bi baaninkpel aaŋaal ni la, nima pu le ni ŋan ke u taa li kpa taani ubaa, ki taa li tun uma ubaa aageehn, ki taa li ye liŋuuldaan, ki taa li ye udagbiir, ki taa gbaa binib; unimbil taa li man ŋimombil pu.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Taitus 3:1

Teer bi ke bi li pak kitiŋ aayidam, ni binib bi kpa tininkpir na, ki kii baamɔi, ki gor ke bi tun litunyaan mɔmɔk,

Filemonn 1:14

Aa mu yaa kaa kii kan, maan ŋa nibaa see aa kii. Maa ban ke m muk si ke aa ter mi. M ban ke aa ter mi saageehn pu la.

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.