1 Piita 4:9 - Uwumbɔr aagbaŋ

⁹ Ni li channi tɔb tichann ki taa ŋulni.

UWONBƆR A GBƆNPƆŊ LIKƆƆNL

⁹ Ni li gaan tab kuchɔŋa ki laa ŋulin tab bu.

1 Piita 4:9 ပူးပေါင်းရင်းမြစ်များ

Mpiin 24:19

Waah ti nyun doo na, le upiibo ngbaan bui ke, “M ga lu nnyun tii saalaakumii tiib mu, bi nyu bab.”

Rom Yaab 12:13

ki yakr nimi aawan tii Uwumbɔr aanib bi lann ni na, ki chann bicham tichann.

Rom Yaab 16:23

Gayus u chann m ni Yesu aanib mɔmɔk tichann na, u mu dooni nimi. Erastus, u joo kitiŋ kee aamombil na, u mu dooni nimi. Tina aabo Kɔɔtus mu dooni nimi. [

2 Korenti 9:7

Unii mɔmɔk aah di pu ŋa usui ni ke u ga tii ni na, cha u tii kina. U taa tii ni mpombiin, ki taa tii limukl aatiin. Ba pu? Uwumbɔr gee unii u tii ni mpopiin na la.

Filipi 2:14

Naah ŋani tiwan nimɔk na, ni taa li ŋulni, ki taa kpak kinikpakpak,

1 Timoti 3:2

Ni ŋan ke Yesu aanib aaninkpel taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasaab, ki li bi mbamɔm, ki li channi bicham tichann, ki li ye unii u ga ŋmaa tuk binib Uwumbɔr aabɔr mbamɔm na.

Taitus 1:8

Ni ŋan ke u li ye unii u channi bicham tichann na, ki li gee lituln li ŋan na, ki li kpa laasaab, ni mbimbinyaan, ki li bi chain, ki li chur ubaa,

Filemonn 1:14

Aa mu yaa kaa kii kan, maan ŋa nibaa see aa kii. Maa ban ke m muk si ke aa ter mi. M ban ke aa ter mi saageehn pu la.

Hiibru Yaab 13:16

Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.

Hiibru Yaab 13:2

Ni li teer ki chann bicham tichann. Binib bibaa nan chann Uwumbɔr aatuuntiib tichann, kaa nyi ke Uwumbɔr aatuuntiib ye.

Jemisi 5:9

Nnaabitiib, ni taa ŋulni tɔb pu man aan Uwumbɔr taa ji nimi tibɔr. Ni gur siib, u ga ji binib tibɔr.