1 Piita 4:3 - Uwumbɔr aagbaŋ

³ Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.

UWONBƆR A GBƆNPƆŊ LIKƆƆNL

³ Nan bu-n ni nan jin isaŋ takpem le iyoo yan nan jon nin ki tun nan wee ban kaa ye biwonjiɛmin gann ki tun. Bi nan tun nan ye nwanchɔgin toon, nin kɔlisabirug, nin lidanyugbeel, nin lidanyugbeel a toonbir, ki lagin tab ki nyu ndaam gbeeg, ki mann ibawol.

1 Piita 4:3 ပူးပေါင်းရင်းမြစ်များ

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

1 Bibɔrb 21:26

Waatunwanbir ti nan nyaŋ sakpen na le nan ye ŋiwaa aadoon pu. Israel yaab aah nan tur koo ni Amor yaab aatiŋ ni buyoonn na, kina le Amor yaab nan tun titunwanbir le Uwumbɔr nan jenn bi kitiŋ ngbaan pu.

2 Bibɔrb Aabɔr 15:8

Asa aah ŋun Oded aajapɔɔn Asaria aah di Uwumbɔr aabɔr ti nabr u na, le utaakpab pɔɔk. U nan di Juda ni Benjaminn aatim aawaa mɔmɔk mae. U nan di waah nyaŋ ntim mu aan mu bi Efraim aajoo aatiŋ ni na mu aawaa mae. U nan toor Uwumbɔr aatork aabimbiln li nan bi Uwumbɔr Aadichal aachiln ni na.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 5:11

Nimi aadoon le na. Ni fii mala kichakpinaanyeek ni ki piin ndaan aanyum, ki nyu ki ti saa kijook ki nyu ki gbii.

Aisaya 65:4

Kinyeek kan, bi chaa titakpalunn ni, ni ŋikaakul ponn ni le ti buu tibɔɔr bitekpiib chee. Bi ŋmɔ ugbeer, ki nyu baah di tiwakor ti toor tii ŋiwaa na aakpinyun mu bi di tinann seen mu ni na,

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Esekiel 44:6

“Tuk Israel aamɔyiib ngbaan ke min Bidindaan Uwumbɔr aan ki gaa baah ŋani tiwan ni aan ni sukr ponn ni na.

Esekiel 45:9

Tidindaan Uwumbɔr len ke, “Nimi Israel aatiŋ aajojoob, ni tun titunwanbir ni yunn sakpen. Di cha nimi aabimbipɔɔl ni limukl man. Li ŋani tiwan ni ŋan ki tok na man. Ni taa ki jenn nyan maanib baatiŋ pu daalbaadaal. Min Nidindaan Uwumbɔr le bi tuk nimi kina.

Tibɔnyaan ti Mak ŋmee ti na 7:22

ni iniman, ni mbiin, ni linyamɔngee, ni inimpoo, ni lipiipoln, ni ŋisiibil, ni kalmbaani, ni kijɔrk aatuln.

Lituln 17:30

Binib aah kaa nan kee nyi Uwumbɔr aasan buyoonn na, waa nan gar baah ŋani pu na. Dandana wee le u len ke u ban ke binib bimɔk bi dulnyaa wee mɔmɔk ponn ni na kpeln baabimbin ki dii waasan.

Rom Yaab 13:13

Cha ti li bi mbamɔm, ke binib bi bi nwiihn ni na aah bi pu na, ki taa li ye bidanyurb, ki taa nyu ndaan ki gbii, ki taa gɔr kidagook, ki taa ŋani yɔl yɔl aatuln, ki taa jaa kijaak, ki taa li kpa lipiipoln.

1 Korenti 12:2

Ni nyi ke naah kaa nan kee dii Uwumbɔr aasan na, ni nan dii ŋiwaa ŋi ye bibirb na. Ŋi nan cha ni yenni n‑yoonn mɔmɔk la.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.

Galantiya 5:19

Mbimbikpok aatuln bi lipaal la. Binib bi dii kina na le gɔr kidagook, ki tun tijɔŋ aatuln, ni inimɔɔn aatuln,

Galantiya 5:21

ki kpa iniman, ki ku binib, ki nyu ndaan gbii, ki gbiir bidagbiib aagbiir, ki tun lituln limina mɔk aaboln. M ki sur nimi ke maah nan sur nimi n‑yoonn mu jer na pu na, ke binib bi ŋani kina na aan koo Uwumbɔr aanaan ni.

Efesusi 5:18

Ni taa nyu ndaan ki gbii man. Ndaan ga bii nimi la. Cha Uwumbɔr Aafuur Nyaan li gbii nimi n‑yoonn mɔmɔk,

1 Tesalonika 4:5

Ubaa taa cha bipiib aakpeek li bi u ni, ke binib bi kaa nyi Uwumbɔr na aah bi pu na.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

1 Piita 1:14

Ni li keei Uwumbɔr aamɔb. Buyoonn naa nan kee nyi nsan mu ŋan na, le ni nan dii nisui aah gee pu na. Ni taa ki dii kina.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.