1 Piita 4:19 - Uwumbɔr aagbaŋ

¹⁹ Nima pu na, unii yaa ji falaa Uwumbɔr aageehn pu kan, u li tun lituln li ŋan na, ki di ubaa ŋa Uwumbɔr u nan naan u ki ye mbamɔndaan na aaŋaal ni.

UWONBƆR A GBƆNPƆŊ LIKƆƆNL

¹⁹ Mambu, ban ji fala Uwonbɔr a bam bu-n bi le li tun nan ŋan na, ki ta biba ki sei bi yada daan wan naan bin ki le li tun nan ŋan iyoo biɛn na.

1 Piita 4:19 ပူးပေါင်းရင်းမြစ်များ

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Ilahn 138:8

Aa ga ŋa saah puu tipuur ti na mɔmɔk. Uwumbɔr, saageehm aa kpa ndoon. Doo lituln li aa piin li na.

Ilahn 31:5

M di mbaa ŋa aaŋaal ni la. Uwumbɔr, sin le ga gaa mi lii; aa ye Uwumbɔr u ŋani saah len pu na la.

Ilahn 37:5

Di aabaa tii Uwumbɔr; di naadii tii u, aan u ter si;

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 43:7

Bi ye maanib la, le m naan bi ke bi tii mi kipak.”

Daniel 6:22

Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

Tibɔnyaan ti Luk ŋmee ti na 23:46

Le Yesu teen mpɔɔn pu, le ki bui ke, “Nte Uwumbɔr, m di maawiin ŋa aaŋaal ni la.” Waah len kina na, le u kpo.

Lituln 7:59

Le bi mae Stiifen ŋitakpal u ti kpo. Baah bi mae u ŋitakpal na, le u mee Tidindaan ke, “Tidindaan Yesu, gaa maawiin,”

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

1 Piita 2:15

Uwumbɔr ban ke ni tun litulnyaan aan ki cha bijɔrb bi kaa nyi nibaa ki bii nimi na ŋmin la.

1 Piita 3:17

Ni yaa ye Uwumbɔr aageehn ke aa ji falaa litunyaan pu kan, ni soor ni aa ji falaa titunwanbir pu.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.