1 Piita 4:18 - Uwumbɔr aagbaŋ

¹⁸ Ni ŋmee Uwumbɔr Aagbaŋ ni ke, “Ni yaa pɔɔ bininyaam ŋmar kan, titunwanbirdam bi kaa pak Uwumbɔr na ga tee ŋa kinye ki ŋmar?”

UWONBƆR A GBƆNPƆŊ LIKƆƆNL

¹⁸ Le, “Ni ye ni pɔɔ ki sei nin bibuchim nkan nŋmarim ke, ke ban kaa jɔɔ nween nin tibirdam yaal na li be nii?”

1 Piita 4:18 ပူးပေါင်းရင်းမြစ်များ

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Ŋiyataŋak 11:31

Bininyaam kani baapar dulnyaa ni do la, kina pu na, li nyi gbin gbin ke mbiindam ni titunwanbirdam ga kan ntafadaan.

Jeremia 25:29

M ga piin maabiil aatuln ngbaan mbaa aatiŋ ponn ni la. Bi dak ke maan daa bitafal la aa? Aayii, bi ga kan ntafadaan, ba pu? m ga cha butɔb dan kitiŋ kee mɔmɔk aanib pu. Min Uwumbɔr Mpɔɔnsakpiindaan le len kina.

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Tibɔnyaan ti Luk ŋmee ti na 15:1

Bilampoogaab ni titunwanbirdam pam nan bi kuuni Yesu chee ke bi ti pel waah len tibɔr ti na.

Tibɔnyaan ti Luk ŋmee ti na 23:31

Bi yaa di ndɔsoon ŋa mmii ni aan mu gaa kan, ndɔkuun ga li bi kinye?”

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Lituln 27:24

ki bui mi, ‘Pɔɔl, taa san ijawaan. Aa ga sil Ubɔrkpaan Siisa aanimbiin ni. Uwumbɔr ga cha binib bimɔk bi buŋɔb bue ponn ni na ŋmar, saanimbaak pu.’

Lituln 27:31

Tɔ, Pɔɔl nan bee baah ban bi ŋa pu na, le ki bui butɔb aajab ni baaninkpel, “Biŋɔŋaab ngbaan yaa nyan buŋɔb ngbaan ponn ni kan, naan ŋmaa ŋmar.”

Rom Yaab 1:18

Uwumbɔr mɔk binib ke u gee liŋuul titunwanbirdam pu; bi tun lituln li kaa ŋan na, kaa dii u. Baabiin pu le bi yii mbamɔn.

Rom Yaab 5:6

Naah nan ŋeer na, le Kristo nan kpo timi bi ye titunwanbirdam na pu, taah kaa kpa mpɔɔn buyoonn na.

Rom Yaab 5:8

Tima kan, buyoonn ti nan laa ye titunwanbirdam na le Kristo nan kpo ti pu. Nima le mɔk timi Uwumbɔr aah gee timi sakpen pu na.

1 Korenti 10:12

Nima pu na, unii u dak ke u si chob na, u li nyi ki taa lir.

1 Timoti 1:9

Ti yaa nyi ke nkaal aa bi bininyaam pu kan, nkaal ngbaan ŋan la. Mu bi tiniwanbir le pu, ni binib bi kaa gee bi ŋun tibɔr na, ni binib bi kaa dii Uwumbɔr aasan na, ni titunwanbirdam, ni binib bi yii Uwumbɔr kaa pak u na, ni binib bi ku bitetiib ni binatiib na, ni binib bi ku biken na,

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

Jemisi 5:6

Nimi le bii bininyaam ki ku bi, le baa kpa mpɔɔn bi nyan bibaa nimi aaŋaal ni.

1 Piita 5:8

Ni li kpa laasaab ki li nyi; ba pu? kinimbɔŋ ki ye nimi aadin na chuun gonni, ki ban ke ni di Uwumbɔr aasan lii. Ki bi ke uchinn u chuun tar, ki ban unii u ki ga chuu ki ŋmɔ na la.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

Juud 1:15

ki nan ji binib mɔmɔk tibɔr, ki ga bii titunwanbirdam mɔmɔk; ba pu? bi yii Uwumbɔr, ki tun titunwanbir waah kaa gee pu na, ki len tibɔbir u pu.”

1 Samuel 15:18

le ki di si tun, ki mɔk si ke aa ku doo Amalek aabiindam ngbaan. U bui si ke aa jan ki ti ku doo bi mɔmɔk.