1 Piita 4:15 - Uwumbɔr aagbaŋ

¹⁵ Le ni ponn ni ubaa yaa jin falaa linikul pu, bee kinaayuk pu, bee baka baka pu, bee libɔbaln pu kan, nima aa ŋan.

UWONBƆR A GBƆNPƆŊ LIKƆƆNL

¹⁵ Ni ye ni jin fala ke, nin laa ye ke uninfokur a fala a jimi bee unaayig bee wan tun titoonbir biɛn ni, bee wan tugin bininfobi.

1 Piita 4:15 ပူးပေါင်းရင်းမြစ်များ

Nnyam 22:2

Waah sun tiwan ni na, u pan ni pu. Unaayuk ngbaan yaa kaa kpa nibaa kan, bi di u kooh ki di teen waah sun tiwan ni na pu. Nibaakan, waah sun kiwakork ki na, ni yaa ye unaa, bee ubon, bee upiih, le bi chuu unaayuk ngbaan u joo kiwakork ngbaan ki beenin fu kan, u ga pa tiwakor tilee kibaa ngbaan pu. “Bi yaa pii unaayuk kinyeek u bi su tiwan ubaa aadichal ni aan bi ku u kan, unii u ku unaayuk ngbaan na aa kpa taani ke u ku unii. Ni yaa ye nwiin pu le u pii u ki ku u kan, u kpa taani ke u ku unii.

Matiu 5:11

“Binib yaa sii nimi ki ŋa nimi falaa ki mɔln inyamɔn mɔmɔk aabɔŋ ki paan nimi, ki bii nimi, min Yesu pu kan, Uwumbɔr aanyoor bi ni pu.

1 Tesalonika 4:11

Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

2 Tesalonika 3:11

Ti ŋun ke ni ponn ni bibaa san ligbanyakl, kaa tun lituln libaa, ki chuun koo biken aabɔr ni.

1 Timoti 5:13

Ki ki kpee na, bi ga li san ligbanyakl, ki ga li chaa ŋidichal ŋidichal ni. Naa ye ke bi ga li san ligbanyakl baanja la, bi ga li ye bibɔtukb la, ki ga li koo binib aabɔr ni, ki ga len naah kaa ba ŋan bi len pu na.

2 Timoti 2:9

Tibɔnyaan tee pu, le m ji falaa. Le bi buu mi idɔribi kiyondiik ni, ke bakadaan na. Uwumbɔr aabɔr ma aa buu.

1 Piita 3:14

Ni mu yaa kan falaa lituln li ŋan na pu kan, Uwumbɔr aanyoor bi ni pu la. Ni taa san unii ubaa ijawaan, ki taa cha ilandak li joo nimi.

1 Piita 3:17

Ni yaa ye Uwumbɔr aageehn ke aa ji falaa litunyaan pu kan, ni soor ni aa ji falaa titunwanbir pu.