1 Piita 3:4 - Uwumbɔr aagbaŋ

⁴ Tiwan ni ga cha ni li ŋan na le ye mbimbin mu ŋan na. Ni yaa kpa mbimbin suuna kan, nima le ye kinyaan ki kaan fir, ki ŋan sakpen Uwumbɔr chee na.

UWONBƆR A GBƆNPƆŊ LIKƆƆNL

⁴ Amaa ni che niba a manim li be ni sufu ni, nŋinŋan man kaa wiiri ki be soon nin kinaaŋin, ni ma ye nŋan man wee Uwonbɔr a num gbee takpem.

1 Piita 3:4 ပူးပေါင်းရင်းမြစ်များ

Ilahn 131:2

M bi suuna, le ki faar maah kpa ni na. M bi suuna ke ubo aah pui una aataa pu pu na la.

Ilahn 147:6

U fiini binib bi suln bibaa taab na paacham, le ki tee wɔi bibiindam bilni kitiŋ.

Ilahn 149:4

Uwumbɔr neen waanib; u joo linyaŋ tii binib bi sunn bibaa taab na ki nyuŋni bi.

Ilahn 25:9

U mɔk binib bi sunn bibaa taab na nsanyaan, le ki mɔk bi waageehn.

Ilahn 45:13

Ubɔr aabɔndinn u mu ye ubɔr aabisal na koo ni ki ŋan sakpen a. Bi di salmaa aakokonn le luu waabɔkul.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Aisaya 11:4

u ga di bigiim ni binib bi kaa kpa biteterb na aabamɔn tii bi. Waamɔliin le ga daa binib aatafal, le titunwanbirdam ga kpo.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 51:59

Ubɔr Sedekia aaninkpel le nan ye Seraya. Seraya aate nan ye Neria, le uyaaja ye Mahseya. Sedekia aah nan ye Juda aabɔr pu na aabinanar ponn ni, le u nan cha Babiloŋ le Seraya dii u. Le m nan di tibɔr tibaa tii u.

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Matiu 21:5

“Tuk Sionn aatiŋ aanib, Lik, nimi aabɔrkpaan choo ni chee la. U sunn ubaa taab le ki dik ubon pu, u dik ubon u laa diin na pu la.”

Matiu 23:26

Nimi Farisii yaab bi jɔb na, puen nyan kinaayuk aatuln, ni iniman nisui ni waahr, aan lipaal yaan li ŋan.

Matiu 5:5

Binib bi sunn bibaa taab na, Uwumbɔr aanyoor bi bi pu. Bima le ga li yeh dulnyaa wee.

Tibɔnyaan ti Luk ŋmee ti na 11:40

Nimi bijɔrb bimina, Uwumbɔr u nan naan tiwon na, uma le naan nisui mu.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Rom Yaab 1:23

Baa ki dooni Uwumbɔr u nyuun ki bi n‑yoonn mu kaa kpa ndoon na. Bi ŋa binibɔm aanaŋ, ni inyoon aanaŋ, ni iwaa aanaŋ, ki dooni ŋiwaa ngbaan.

Rom Yaab 2:29

Unii u gii lichakpaln, kaa kpeln waabimbin na aa piir Uwumbɔr aasui. Unii u dii Uwumbɔr usui ni na, uma le ye Juu aanibamɔnn. Unii u Uwumbɔr Aafuur Nyaan bi u ni na, nima le ye lichakpangeei bamɔnn. Uwumbɔr le ga pak udaan, naa ye binib.

Rom Yaab 6:6

Ti bee ke baah kpaa u ndɔpuinkoo pu na, bi kpaa timi aabimbikpok mu u chee, ke mbimbikpok mu kaa ŋan na taa ki li bi, aan ti taa ki li ye titunwanbir aanaagbiib.

Rom Yaab 7:22

M gee Uwumbɔr aakaal nsui ni.

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

2 Korenti 4:16

Nima le cha tiwon aa yɔl. Tiwon timina bi diŋni iwiin mɔmɔk la. Timi aawiin aapɔɔn kpae iwiin mɔmɔk la.

Galantiya 5:23

ki bi suuna, ki chur bibaa. Nkaal aa bi ki ga kpak binib bi ŋani kina na.

Efesusi 4:2

Ni li sunni nibaa taab man, ki li bi suuna, ki li kpa suklaa n‑yoonn mɔmɔk, ki li gee tɔb, ki li kpa limɔr tɔb pu.

Kolosiya 3:12

Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

Kolosiya 3:3

Ba pu? ni naahn ke ni kpo; le nimi aamɔfal kpaan Kristo ni, ki bi Uwumbɔr chee paacham, le u biin li pu.

1 Tesalonika 4:11

Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

2 Tesalonika 3:12

Binib bi bi kina na, ti tuk bi, ki sur bi Tidindaan Yesu Kristo aayimbil pu, ke bi li bi suuna, ki tun lituln ki kan ki ji.

1 Timoti 2:2

Ni li mee Uwumbɔr kina ki tii bibɔrb, ni kitiŋ aayidam mɔmɔk, aan ti li bi tibaa pu, ki li kpa nsuudoon, ki li dii Uwumbɔr aasan, ki li ŋani tiwan mɔmɔk mbamɔm.

2 Timoti 2:25

ki li bi suuna ki sur binib bi kpak u kinikpakpak na. Nibaakan, Uwumbɔr ga cha bi kpeln baabimbin ki bee waabɔr ti ye mbamɔn na,

Taitus 3:2

ki taa bii unii ubaa, ki taa kpak binib kinikpakpak. Bi li kpa kijɔtiik binib biken chee, ki li bi suuna binib mɔmɔk chee.

Jemisi 1:21

Nima pu na, ni di cha titunwanbir ni tiwan nimɔk kaa ŋan na, ki li bi suuna, ki gaa tibɔr ti Uwumbɔr di ŋa nisui ni na; tibɔr ngbaan ga gaa nimi lii.

1 Piita 1:23

Bi ma nimi lelee la. Naa ye unibɔn u ga kpo na le ma nimi lelee. U ma nimi na aan kpo. Uwumbɔr di waamɔboln li kpa limɔfal ki ga li bi n‑yoonn mu kaa kpa ndoon na le gir ma nimi lelee.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”