1 Piita 3:22 - Uwumbɔr aagbaŋ

²² Yesu Kristo nan buen paacham ki ti bi Uwumbɔr aaŋangii wɔb. Le Uwumbɔr di waatuuntiib, ni paacham yaab, ni kinimbɔŋ ni kaapɔɔn mɔmɔk ŋa Yesu Kristo aaŋaal ni.

UWONBƆR A GBƆNPƆŊ LIKƆƆNL

²² Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

1 Piita 3:22 ပူးပေါင်းရင်းမြစ်များ

Ilahn 110:1

Uwumbɔr bui ndindaan ke, “Kaln ŋŋangii wɔb ki ti saa buyoonn m ga di saadim mɔmɔk ŋa aataapɔtan ni na.”

Matiu 22:44

‘Uwumbɔr bui Ndindaan ke: Kal ŋŋangii wɔb, ki ti saa buyoonn m ga nyaŋ saadim mɔmɔk na.’

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Tibɔnyaan ti Mak ŋmee ti na 12:36

Uwumbɔr Aafuur Nyaan nan cha Ubɔr David ubaa len ke, ‘Uwumbɔr bui Ndindaan ke: Kal ŋŋangii wɔb ki ti saa buyoonn m ga nyaŋ saadim mɔmɔk na.’

Tibɔnyaan ti Mak ŋmee ti na 16:19

Tidindaan Yesu aah len bi chee tibɔr doo na, le Uwumbɔr di u buen paacham, le u ti kal uŋangii wɔb.

Tibɔnyaan ti Luk ŋmee ti na 20:42

David ubaa nan len Uwumbɔr aalahn aagbaŋ ponn ni ke, ‘Uwumbɔr bui Ndindaan ke: Kal ŋŋangii wɔb,

Jɔnn 13:32

Bi yaa nyuŋ Uwumbɔr m pu kan, Uwumbɔr mu ga nyuŋ mi ubaa chee. U ga nyuŋ mi dandana wee la.

Lituln 1:11

ki baa bi, “Galilee aanib, ba pu ni si lik paacham kina? Yesu, u Uwumbɔr nyan u ni chee buen paacham na, u ga gir ni. Ni kan waah buen pu na. Kina, le u ga nan ki gir ni.”

Lituln 3:21

Uma Yesu le ga li bi Uwumbɔr do ki ti saa n‑yoonn mu Uwumbɔr ga toor tiwan mɔmɔk na. N‑yaayoonn na, Uwumbɔr aabɔnabtiib bi bi chain na nan len tibɔr timina.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Rom Yaab 8:38

Tidindaan Yesu Kristo pu, le Uwumbɔr gee timi. M sil bee ke nibaa aa bi ki ga ŋmaa yakr ti ni waageehm. Nkun, limɔfal, Uwumbɔr aatuuntiib, kinimbɔŋ aapɔɔn, dandana aabɔr, daalbaadaal aabɔr, mpɔɔn, paacham aawan, taab aawan, tiwan nimɔk bi na, ni mɔmɔk aan ŋmaa yakr ti ni Uwumbɔr aageehm.

1 Korenti 15:24

Tiwan nimina mɔmɔk yaa ti ŋa kan, le tiwan mɔmɔk ga doo. N‑yoonn ngbaan le u ga kuln waadim aabɔŋ mɔmɔk aapɔɔn, ki di nnaan na tii Ute Uwumbɔr,

Kolosiya 3:1

Ni kpaan fikr Kristo chee la. Nima pu na, cha nitafal li bi paacham aawan ni. Kristo bi nima ki ka Uwumbɔr aaŋangii wɔb.

Hiibru Yaab 1:13

Uwumbɔr nan bui Ujapɔɔn ke, “Kal ŋŋangii wɔb, ki ti saa buyoonn m ga nyaŋ saadim mɔmɔk na.” Tɔ, Uwumbɔr aa nan bui waatuun ubaa kina.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Hiibru Yaab 1:6

U nan tun ni Ujapɔɔn u kaa kpa ŋeen aatɔ na dulnyaa wee ni, le ki bui waatuuntiib mɔmɔk ke bi gbaan unimbiin ni ki doon u.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

Hiibru Yaab 4:14

Tɔ, ti kpa utotoorninkpekpaan u bi Uwumbɔr do na. U ye Uwumbɔr Aajapɔɔn Yesu la. Nima pu na, cha ti li beenin dii u ki taa di waasan lii.

Hiibru Yaab 6:20

Yesu le ye utotoorninkpel n‑yoonn mu kaa kpa ndoon na, ke Melkisedek aah nan ye pu na, ki loln ti pu nsan ki buen Uwumbɔr do, ke u ti sil timi aasisiiyaan nima chee, Uwumbɔr aanimbiin ni.

Hiibru Yaab 8:1

Maah len pu na aayil le ye ke ti kpa utotoorninkpel wee aaboln. Uma le ye Yesu Kristo u ka Uwumbɔr u yeh mpɔɔn mɔmɔk na aabɔrjal aaŋangii wɔb paacham na.

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.