1 Piita 3:20 - Uwumbɔr aagbaŋ

²⁰ Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

UWONBƆR A GBƆNPƆŊ LIKƆƆNL

²⁰ ban nan jɔɔ limɔyiil iyaayoo yan nan jon nin wee Uwonbɔr nan jin limɔril ki guu bi Nowa a yonn, wee Nowa nan be kpee kuŋaluŋin. Kuŋaluŋ nmɔn yaan bininfob wama le nan kɔɔ ki ye bininfob biniin, bi man nan kan nŋmarim nnyum nmɔn yaan,

1 Piita 3:20 ပူးပေါင်းရင်းမြစ်များ

Mpiin 6:13

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

Mpiin 6:3

Le Uwumbɔr bui ke, “Binib aah tun titunwanbir pu na, maan ki cha bi li bi ki yunn sakpen. N‑yoonn mue ki joo cha, maan ki cha unibɔn yunn ki ti jer ŋibin nkub ni moninko.”

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Mpiin 6:8

Tɔ, Uwumbɔr aasui nan gbiin Nowa aatunyaan pu.

Mpiin 7:13

Buyoonn utaal piin ki nu na, liyaadaal ngbaan, le Nowa, ni upuu, ni ujapɔtiib, Sem, ni Ham, ni Jafef, ni bipuutiib nan koo buŋɔb ngbaan ni.

Mpiin 8:1

Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

Mpiin 8:18

Le Nowa nan nyan upuu, ni ujapɔtiib, ni ubipuutiib bu ponn ni.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Matiu 7:14

Nsan mu cha limɔfal li kaa kpa ndoon na ni na aa waa. Nsan ngbaan aabisamɔb mu aa waa. Binib bi dii mu na aa wiir.”

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Lituln 2:41

Le bi muin binib bi gaa Piita aah len pu na nnyun ni. Liyaadaal ngbaan le binib ŋichur ŋitaa ŋmar, ki kpee bi pu.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

Efesusi 5:26

U nan kpo bi pu, ke u ŋa bi chain. Baah ŋun waabɔr na, le u nyan titunwanbir bisui ni, le bi muin bi nnyun ni,

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 1:9

Naah gaa Yesu ki kii na, le u gaa nimi lii.

1 Piita 2:25

Ni nan bi ke ipiih i yenn na, le dandana wee, ni gir ni Kristo chee. U kpaa nimi ke upihkpaal aah kpaa ipiih pu na, ki kii nimi aamɔfal.

1 Piita 3:19

le u nan buen ki ti len tibɔnyaan binib aawiin i bi kiyondiik ni, kitekpiitiŋ ni na chee.

1 Piita 4:19

Nima pu na, unii yaa ji falaa Uwumbɔr aageehn pu kan, u li tun lituln li ŋan na, ki di ubaa ŋa Uwumbɔr u nan naan u ki ye mbamɔndaan na aaŋaal ni.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.

2 Piita 3:15

Tidindaan aah jin limɔr, kaa gir ni mala na, ni bee ke u tii binib nsan ke bi ŋmar le waahr, le u nin gir ni. Tinaabogeekoo Pɔɔl mu nan ŋmee kigbaŋ tii ni nimi, ki tuk nimi kina, Uwumbɔr aah tii u nlan pu na.