1 Piita 3:15 - Uwumbɔr aagbaŋ

¹⁵ Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.

UWONBƆR A GBƆNPƆŊ LIKƆƆNL

¹⁵ Amaa ni taam Masiya ki ŋa ni sufu ni wee u li ye ni Yudaau. Ki sin li ye ban ŋa sili iyoo biɛn ki guu uninfo wan biɛn li baan ni nan bu wee ni jɔɔ tama. Amaa ni ŋa man nin nbinbem ŋan nin jilima,

1 Piita 3:15 ပူးပေါင်းရင်းမြစ်များ

Ilahn 119:46

M ga di saakaal moon tii bibɔrb, kaan san inimɔɔn.

Ŋiyataŋak 15:28

Bininyaam dakl lik tibɔr aatataa waahr le ki nin gar. Titunwanbirdam ma gar mala le ki ban tibɔr.

Ŋiyataŋak 22:21

ki ga mɔk si mbamɔn aah sil ye pu na. Le bi yaa tun si ke aa ti joo ni mu kan, aa ga ti joo ni kinyaan.

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 29:23

Ni yaa nan kan mbim mu m ga tii nimi na kan, le ni ga tii naadii ke m sil ye nimi Israel yaab Aawumbɔr u bi chain na. Ni ga pak mi ki san mi ijawaan.

Aisaya 41:21

Uwumbɔr u ye Israel yaab aabɔrkpaan na kpa tibɔr timina u len: “Nimi ŋitimbol ngbaan aawaa, li joo ni man nimi aabɔr. Li joo ni man nimi aanikpakpak ki ni dak ke ki ŋan na.

Aisaya 5:16

Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Aisaya 8:12

“Taa kpaan binib ngbaan chee, ni baah bi tun baatun ŋi na ni, ki taa li san ijawaan tiwan ni pu bi san ijawaan na.

Nkahm 20:12

Uwumbɔr nan ki bui Moses ni Aaronn ke, “Naah kaa gaa mi ki kii mbamɔm, ki yii, kaa ban ni mɔk binib ngbaan maapɔɔn mu bi chain na pu na, maan cha ni di bi koo kitiŋ ki ponn ni m puu ke m ga di tii bi na ni.”

Nkahm 27:14

ba pu? nimi bilee ngbaan nan yii maamɔb, Sinn aateersakpiin ni. N‑yoonn mu Israel yaab mɔmɔk nan len mi tibɔbir Meriba aanyunbun chee na, ni nan yii, kaa cha binib ngbaan bee maapɔɔn mu bi chain na aah bi pu na.” Meriba nan ye nnyunbun mu nan bi Kades aatiŋ ni, ki bi Sinn aateersakpiin ni na la.

Lituln 21:39

Le Pɔɔl bui u, “M ye Juu yaab aanii la. Bi nan ma mi Tasus aatiŋ ki bi Silisia aatiŋ ni na; ki ye kitiŋ ki kpa liyimbil na la. Pɔɔk aabaa ki cha m len kinipaak ngbaan chee.”

Lituln 24:25

ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

Kolosiya 1:23

Ni ŋan ke ni li dii u mbamɔm, ki taa di cha waasan, ki taa cha nibaa leŋ nimi. Naah ŋun tibɔnyaan tee na, tibɔr ngbaan tii nimi limakl la. Ni taa di cha limakl ngbaan. Bi moon tibɔnyaan tee, ki tuk binib bimɔk bi dulnyaa wee ni na la. Min Pɔɔl mu ŋa unii u mooni ti na la.

Kolosiya 1:27

U ban ke bi bee tibɔr ngbaan aah ŋan sakpen ki ter ŋitimbol mɔmɔk pu na la. Tibɔbɔrkaan ngbaan le ye ke Kristo bi ni ni. Waah bi ni ni na, nima le ni kpa limakl ke ni ga ji waamɔɔn.

Kolosiya 1:5

ba pu? ni kpa limakl ke ni ga nan kan Uwumbɔr aah di tiwan ni siin nimi paacham na. Ni ŋun ni pu buyoonn ni ŋun tibɔnyaan ti fuu ni ni chee ki ye mbamɔn na chee la.

Kolosiya 4:6

Ni li len ibulchiliin n‑yoonn mɔmɔk, ki li len Uwumbɔr aalambil aah ye pu na. Ni yaa len kina kan, ni ga bee naah ga giin pu ki kii unii mɔmɔk na.

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

Hiibru Yaab 6:1

Nima na, ti taa li beenin len Kristo aamɔkm mu diin na baanja aabɔr n‑yoonn mɔmɔk. Cha ti bae waamɔkm mu gur na mɔmɔk, aan ki chikr waasan ni. Naa ki ban ke ti li beenin tuk nimi n‑yoonn mɔmɔk ke, “Kpeln nimi aabimbin man, ki di cha ŋitukpok, ki tii Uwumbɔr naadii man.”

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.

1 Piita 3:2

bi ga kan ke ni san Uwumbɔr ki kpa mbimbin mu bi chain na.

1 Piita 3:4

Tiwan ni ga cha ni li ŋan na le ye mbimbin mu ŋan na. Ni yaa kpa mbimbin suuna kan, nima le ye kinyaan ki kaan fir, ki ŋan sakpen Uwumbɔr chee na.

1 Samuel 12:7

Tɔ, li si man naah si nin chee na, aan m galn nimi Uwumbɔr aanimbiin ni, ki teer nimi waah tun ŋitun sakpiin ŋi ki gaa nimi ni niyaajatiib lii na pu.