1 Piita 3:12 - Uwumbɔr aagbaŋ

¹² ba pu? Tidindaan Uwumbɔr aatafal bi bininyaam ni, ki ŋun baameel n‑yoonn mɔmɔk, le ki yiil binib bi tun titunwanbir na.”

UWONBƆR A GBƆNPƆŊ LIKƆƆNL

¹² Nan bu-n Uyudaan a num paa bibuchim bu le, le ki pelig bi wonmiɛl iyoo biɛn, amaa Uyudaan a num kaa paa ban tun titoonbirin bu.”

1 Piita 3:12 ပူးပေါင်းရင်းမြစ်များ

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

2 Bibɔrb Aabɔr 7:15

M ga li lik Maadichal limina pu ki ga kii limeel limɔk bi mee do na,

Ilahn 11:4

Uwumbɔr bi Waadichal li bi chain na ponn ni; waabɔrjal bi paacham la. U lik binib, ni kookoo, le ki nyi baah ŋani pu na.

Ilahn 33:18

Uwumbɔr lik binib bi keei waamɔb ki tii waageehm mu bi n‑yoonn mɔmɔk na naadii na pu la.

Ilahn 65:2

ba pu? aa keei limeel mɔmɔk.

Ilahn 80:16

Timi aadim gaa bu lii a, le ki see bu mmii; di saaŋuul lik bi ki kuln bi.

Ŋiyataŋak 15:29

Uwumbɔr daa bibiindam chee, le ki ŋun binib bi aabimbin ŋan na ma aameel.

Ŋiyataŋak 15:3

Uwumbɔr waa tiwan ni ŋani ŋipepel mɔmɔk ni na; ti yaa ŋani tiwan ni ŋan na, bee ti yaa tun titunwanbir kan, u waa ti.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Jeremia 21:10

M siin ke maan cha kitiŋ kee ŋmar, m siin ke m kuln ki la. M ga di ki tii Babiloŋ yaab aabɔr le u see ki mmii. Min Uwumbɔr le len kina.”

Jeremia 39:12

“Li cha ki ti ban kan Jeremia ki li joo u mbamɔm. Taa tii u titotonn tibaa, ki tee ŋa waah ban pu na mɔmɔk.”

Esekiel 15:7

ki daa bitafal. Bi nyan mmii mubaa ni, le mmii ga wu bi dandana wee. M yaa daa bitafal kan, aa ga bee ke min le ye Uwumbɔr.

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 20:3

Ubaa yaa di waabo toor kitork tii Liwaal Molek ki bii Maabool, aan laa ki bi chain, ki jinn maayimbil li bi chain na inimɔɔn kan, m ga daa utafal; waan ki li ye maanib ponn ni ubaa.

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Jɔnn 9:31

Ti nyi ke Uwumbɔr aan ŋun titunwanbirdam aameen. Unii yaa dii Uwumbɔr ki ŋa Uwumbɔr aageehn kan, uma le Uwumbɔr ga ŋun waameen.

Ikaal 11:12

Nidindaan Uwumbɔr le joo kitiŋ ngbaan, ki lik ki n‑yoonn mɔmɔk.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.