1 Piita 3:11 - Uwumbɔr aagbaŋ

¹¹ ki taa ki tun lituln li kaa ŋan na; u tun lituln li ŋan na, ki li ban nsuudoon linimaln;

UWONBƆR A GBƆNPƆŊ LIKƆƆNL

¹¹ Ni kpaa le nin un jiɛn tibir a tum wee ki li tun itoon ŋan; ki li ban nposɔɔn a sam wee ki li nɔɔ mi.

1 Piita 3:11 ပူးပေါင်းရင်းမြစ်များ

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 2:3

Le Uwumbɔr baa u ke, “Aa kan maatutunn Job aah bi pu na aan saa kan. Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir. Aa nan muk mi ke m cha aa ti tak u, ntakn mu kaa kpa tataa na pu, le Job beenin kpa gaakii ke waah nan kpa pu na.”

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 125:4

Uwumbɔr, li kpa bininyaam bi joo saakaal na pu tiŋann.

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 37:27

Fenn aapuwɔb tii titunwanbir, ki li ŋani ni ŋan na, le aayaabitiib nan li bi kitiŋ kee pu n‑yoonn mɔmɔk,

Ŋiyataŋak 16:17

Binib bi aabimbin ŋan na chuun isan i kaa kpa titunwanbir na pu la; kina pu na, li nyi saah chuun nin chee na, nibaakan, ni ga ŋmaa gaa saamɔfal lii.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 3:7

Taa dakl daalbaadaal ke aa nyi jer saah nyi pu na; kii tii Uwumbɔr, ki yii titunwanbir aatum.

Matiu 5:45

Ni yaa ŋani kina kan, ni ga li ye Nite Uwumbɔr u bi paacham na aabim; uma le cha waawiin puur ki woln tiniwanbir ni bininyaam pu, ki cha utaal nu ki tii binib bi ŋan na, ni binib bi kaa ŋan na.

Matiu 5:9

Binib bi par kijaak na, Uwumbɔr aanyoor bi bi pu. U ga len ke bi ye waabim.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Tibɔnyaan ti Mak ŋmee ti na 14:7

Bigiim ga li bi ni chee n‑yoonn mɔmɔk. Naah ga li ban ni ter bi buyoonn na kan, ni ga ŋmaa ter bi. Mma aan li bi ni chee n‑yoonn mɔmɔk.

Tibɔnyaan ti Luk ŋmee ti na 1:79

Ni ga woln binib bi bi mbɔmbɔɔn ni ki san nkun ijawaan na pu, ni ga mɔk timi nsan mu ga tii timi nsuudoon na.”

Tibɔnyaan ti Luk ŋmee ti na 6:35

Ni ma kan, ni li gee nimi aadim, ki ŋa bi tiŋann, ki pinn binib tiwan, ki taa ki li ban ni. Le Uwumbɔr ga tii nimi tinyoor sakpen. Ni ga li ye Uwumbɔr u kaa kpa ŋeen aatɔ na aabim. Uma le ŋani titunwanbirdam ni binib bi kaa dooni u na tibulchinn.

Tibɔnyaan ti Luk ŋmee ti na 6:9

Le Yesu baa bi, “Likpaakool daal kan, ti ŋa ni ŋan na aan ni kaa ŋan na? Ti tii unii limɔfal aan ti ku u? Timi aakaal mɔk timi kinye?”

Jɔnn 17:15

Maa mee si ke aa nyan bi dulnyaa ni. M mee si ke aa taa cha kinimbɔŋ ŋa bi nibaa.

Rom Yaab 12:18

Ni li pɔɔni nibaa man, ki li bi suuna binib mɔmɔk chee.

Rom Yaab 14:17

Uwumbɔr aanaan aa ye tijikaar ni tiwanyukaan. Mu ye mbimbinyaan, ni nsuudoon, ni mpopiin, Waafuur Nyaan aah tii timi pu na la.

Rom Yaab 14:19

Nima pu na, ni li pɔɔni nibaa aan ki li kpaan kimɔbaan, aan ki ter tɔb ke ni dii Uwumbɔr aasan mbamɔm.

Rom Yaab 5:1

Taah gaa Uwumbɔr ki kii pu na, nima le u len ke timi aabɔr ŋan. Tidindaan Yesu Kristo pu le ti ni Uwumbɔr kpaan kijɔtiik.

Rom Yaab 7:19

Maah ban m tun litunyaan li na, maa tun kina. Maah kaa ban m tun titunwanbir ti na, m tun tima la.

Rom Yaab 7:21

Naah ye pu na, m yaa ban m tun lituln li ŋan na kan, titunwanbir bi m chee la.

Rom Yaab 8:6

Binib bi aatafal bi mbimbikpok aabɔr ni na ga kpo la. Binib bi aatafal bi Uwumbɔr Aafuur Nyaan aabɔr ni na ga kan limɔfal, ni nsuudoon.

Galantiya 5:22

Uwumbɔr Aafuur Nyaan le cha binib gee tɔb, ki kpa mpopiin, ni nsuudoon, ni limɔr, ni tibulchinn, ni mbimbinyaan, ni ibamɔn,

Galantiya 6:10

Nima na, ti yaa kan nsan kan, ti li ŋani binib mɔmɔk tiŋann. Binib bi gaa Yesu ki kii na, ti li ŋani bima le tiŋann sakpen.

Kolosiya 3:15

Kristo yin nimi ke ni li kpaan tiwonbaan ni, ki li kpa nsuudoon mu u tii nimi na. Nima pu na, cha nsuudoon ngbaan li joo nisui man, ki li dooni Uwumbɔr, waabulchinn pu.

1 Timoti 6:18

Tuk biwankpadam ngbaan ke bi li ter biken, ki li tun litunyaan sakpen, ki li kpa tibulchinn, ki li ban ke bi yakr baawankpal tii biken.

Hiibru Yaab 12:14

Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

Hiibru Yaab 13:16

Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.

Jemisi 4:17

Nima pu na, unii yaa nyi lituln li ŋan na, kaa ŋani li kan, u tun titunwanbir le na.

1 Piita 3:12

ba pu? Tidindaan Uwumbɔr aatafal bi bininyaam ni, ki ŋun baameel n‑yoonn mɔmɔk, le ki yiil binib bi tun titunwanbir na.”

3 Jɔnn 1:11

Njɔgeehn, taa dii unii u kaa ŋan na aataabuu. Li dii unii u ŋan na aataabuu. Unii umɔk ŋani ni ŋan na kan, u ye Uwumbɔr yoo la. Unii umɔk ŋani ni kaa ŋan na kan, waa nyi Uwumbɔr.

Bibɔjirb 11:14

Jefta nan ki di tibɔr timina le giin Amonn yaab aabɔr chee ke: