1 Piita 2:4 - Uwumbɔr aagbaŋ

⁴ Dan Tidindaan u ye limɔfadaan na chee man. U naahn litakpal li bidimaab yii li na la. Le Uwumbɔr lee u ke u ŋan sakpen.

UWONBƆR A GBƆNPƆŊ LIKƆƆNL

⁴ Naah chaan Uyudaan ban nin, wan ye limiɛfol a tangbagil lan wee bininfob yii win, amaa le Uwonbɔr a num gbee u le U gann win,

1 Piita 2:4 ပူးပေါင်းရင်းမြစ်များ

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Daniel 2:34

Saah nan si lik ni na, le litakpal sakpeln libaa ker nyan ni lijool aamɔgbeln, ubaa aa di uŋaal meeh li, ki nan yun tikur ni tiyakr aataafar na, ki wii ti yak yak.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Sekaria 3:9

M ban m di litakpal libaa li kpa ŋipepel ŋilole na bil Josua aanimbiin ni. M ga di kichiln ŋmee tiwan paan li pu, le ki di liwinbaal nyan kitiŋ kimina aatunwanbir.

Sekaria 4:7

Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Matiu 12:18

“Maatutunn u m lee u na sɔ. M gee u, le u gbiin nnimbil. M ga di Maafuur Nyaan gbiin u. Le u ga tuk ŋinibol mɔmɔk maah ga ji binib tibɔr pu na.

Matiu 21:42

Le Yesu baa bi, “Naah kee karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal. Uwumbɔr le ŋa kina, le ni gar timi pam.’

Jɔnn 14:19

Ni gur siib le dulnyaa aanib aan ki kan mi. Nimi le ga kan mi. Maah kpa limɔfal na, nima pu le ni mu ga li kpa limɔfal.

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Jɔnn 5:26

Nte Uwumbɔr ye Umɔfadaan la, le ki ŋa min Ujapɔɔn mu Umɔfadaan,

Jɔnn 5:40

Le naa kii ke ni dan m chee, aan ki kan limɔfal.

Jɔnn 6:37

Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Jɔnn 6:57

Nte Uwumbɔr u ye limɔfal daan ki tun ni mi na, u pu le m kpa limɔfal. Unii umɔk ji mi na, m pu le u mu ga li kpa limɔfal.

Rom Yaab 5:10

Buyoonn ti nan ye Uwumbɔr aadim na, le Ujapɔɔn nan kpo ti pu. U pu, le ti ni Uwumbɔr kpaan kijɔtiik. Ti ni Uwumbɔr aah kpaan kijɔtiik na, ŋmaninkabaa taah ga ŋmar waamɔfal pu pu na?

1 Korenti 3:11

Yesu Kristo le ye lidinyikl li bi maa na. Ubaa aa ŋmaa maa lidinyikl liken.

Kolosiya 3:4

Kristo, u ye timi aamɔfal na yaa nan gir ni kan, ti mu ga li bi u chee, ki kan nnyuŋ.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

1 Piita 2:7

Nimi bi gaa u ki kii na, u ŋan ni chee sakpen la. Le binib bi kaa gaa u ki kii na, bi li nyi ke Uwumbɔr Aagbaŋ len ke, “Litakpal li bidimaab yii li na, lima le ye litakpajal,”

2 Piita 1:1

Min Simonn Piita u ye Yesu Kristo aakpambal ni waatutunn na le ŋmee kigbaŋ kee m di tii nimi bi gaa timi Aawumbɔr Yesu Kristo u gaal timi lir na ki kii na. Waah ŋan sakpen pu na le u cha ni gaa u ki kii ke ti mu aah nan gaa u ki kii pu na.

2 Piita 1:4

ki puu tipuur ti ŋan sakpen na tii timi. Binib kpa iniman la. Nima le titunwanbir bi dulnyaa wee ni. Ni yaa gaa Uwumbɔr aah puu tipuur ti na kan, ni ga nya titunwanbir ngbaan ni, ki gaa Uwumbɔr aabimbin.