1 Piita 2:25 - Uwumbɔr aagbaŋ

²⁵ Ni nan bi ke ipiih i yenn na, le dandana wee, ni gir ni Kristo chee. U kpaa nimi ke upihkpaal aah kpaa ipiih pu na, ki kii nimi aamɔfal.

UWONBƆR A GBƆNPƆŊ LIKƆƆNL

²⁵ Ni nan nann ipee yan bor le, amaa daandaan nan ni jir Upeekpaar nin Wan guu ni tinaamin ban na.

1 Piita 2:25 ပူးပေါင်းရင်းမြစ်များ

Ilahn 119:176

M chuun yiini ke upiih u wɔŋ na la; maah kaa yii saakaal pu na, dan nan ban kan mi, saatutunn.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Aisaya 13:14

“Biwɔwɔm bi bi Babiloŋ ni na ga san gir baatim ni, ki yaa ke upeeman aah san ŋmar ukpan chee pu na, ki mu ga li bi ke ipiih i kaa kpa upihkpaal na aah bi pu na.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 53:5

Timi aatunwanbir pu le bi gbaa u, le uwon ŋa ibuun. Waah gaa timi aatafadaan pu na, le Uwumbɔr cha ti pɔɔk, Ti kan laafee waah gaa tigbar ti na pu la.

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Esekiel 34:6

Kina pu na, maapiih nan chuun kpak ŋigongon ŋi paa na, ni ŋijoo pu. I nan yaa ki bi kitiŋ kee mɔmɔk pu, le ubaa aa nyan ke u ban i, ubaa mu aa pɔɔn ubaa ke u ban kan i.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Sekaria 13:7

Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.

Matiu 18:12

“Unii yaa kpa ipiih nkub, i ponn ni ubaa yaa wɔŋ kan, ni dak ke u ga ŋa kinye? U ga di cha ipiih imonko inaa ni kipiik ni iwae na ligongoln paab, ki buen ti ban upiih u wɔŋ na la.

Matiu 9:36

Waah kan kinipaak ngbaan na, le u san bi kinimbaak sakpen; ba pu? bi naahn ipiih i yɔl ki dɔ kitiŋ, kaa kpa upihkpaal na la.

Lituln 20:28

Ni li nyi man, ki taa cha unii ubaa ŋmann nimi. Ni li ter Yesu aanib, ki taa cha unii ubaa ŋmann bi mu. Uwumbɔr Aafuur Nyaan nan ŋa nimi waanib aaninkpiib. Ni li joo waanib ngbaan mbamɔm. Waabo nan dan nan kpo bi pu, ke bi kpaln waanib la.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 3:1

Nnaabitiib bi bi chain, aan Uwumbɔr yin bi na, ni li dakl lik Yesu aabɔr. Ti dii u ki len binib aanimbil ni ke ti dii u la. Uwumbɔr nan tun ni u, ke u nan li ye utotoorninkpel.

Hiibru Yaab 5:2

Utotoorninkpel ubaa mu kpa titunwanbir la. Nima le u ga ŋmaa san binib bi tun titunwanbir kaa nyi na kinimbaak.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

1 Piita 5:4

Ni yaa ŋani kina kan, buyoonn upihkpaaninkpel ga gir ni na, ni ga kan lipal li mɔ sakpen ki ga li bi n‑yoonn mu kaa kpa ndoon na.