1 Piita 2:11 - Uwumbɔr aagbaŋ

¹¹ Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.

UWONBƆR A GBƆNPƆŊ LIKƆƆNL

¹¹ N jɔtiib, n balin ni le, naah kaa ye dulinya nan yaab wee ki sin be dulinya nan ki ye bichamin, ni jiɛn titoonbir a kɔlisau, tan kɔnn nin ni naamin.

1 Piita 2:11 ပူးပေါင်းရင်းမြစ်များ

Mpiin 21:34

Abraham nan bi Filistia aatiŋ ni ki yunn pam.

Mpiin 23:4

“M ye uwɔwɔnja, le ki nan bi ni chee; kooh nimi aatiŋ ngbaan nibaa chee tii mi aan m di mpuu sub nima.”

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

1 Bibɔrb Aabɔr 29:15

Uwumbɔr, aa nyi ke ti bi limɔfal lee ponn ni ke biwɔwɔm ni bicham na, ke tiyaajatiib aah nan bi pu na la. Timi aamɔfal aawiin naahn kijunjuŋ ki jer cha na la, le taa ŋmaa minn nkun.

Ilahn 119:19

Maan yunn kitiŋ kee pu, kina pu na, taa di saakaal bɔr mi.

Ilahn 119:54

N‑yoonn siib mu ponn ni m bi kitiŋ kee pu na, m di saakaal naan ilahn.

Ilahn 39:12

Uwumbɔr, ŋun maameel, ki ŋun maawiil; m yaa wii kan, dan ki nan ter mi. Aa chee, m yunn siib ke uchaan na le dulnyaa wee ni, ke n‑yaajatiib aah nan bi pu na la.

Liifai Yaab 15:18

Uja yaa doon upii chee doo kan, bi mɔmɔk fu nnyun, ki mu aan ki li bi chain ki ti saa kijook wɔb.

Liifai Yaab 25:23

Ni taa di nimi aatiŋ kooh tii ubaa u li joo ki kookoo, ba pu? nimi le aa yeh kitiŋ ngbaan, Uwumbɔr le yeh ki. Ni naahn biwɔwɔm la, le u di ki tii nimi, ni li ko ki ji.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Lituln 15:20

Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

Lituln 15:29

Ni ŋan ke ni taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook. Ni yaa kii kina kan, nima le ŋan. Uwumbɔr ter nimi.”

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 7:23

M mu kan nkaal muken maawon ni. Nkaal ngbaan jaa Uwumbɔr aakaal mu bi nsui ni na kijaak la. Nima le titunwanbir aakaal i bi maawon ni na joo mi tinaagbiir.

Rom Yaab 8:13

Ni yaa dii unibɔn aabimbin aah ban pu na kan, ni ga kpo la. Ni yaa kuln nimi aawon aatunwanbir, Uwumbɔr Aafuur Nyaan aapɔɔn pu kan, ni ga li kpa limɔfal li kaa kpa ndoon na.

2 Korenti 5:20

Ti sil Kristo aasisiiyaan, le ki gaŋni nimi. Ni bi ke Uwumbɔr ubaa le aah gaŋni nimi na. Ti gaŋni nimi ki tii Kristo, ke ni gir ni Uwumbɔr chee man.

2 Korenti 6:1

Timi bi kpaan Uwumbɔr chee ki tun waatuln na le gaŋni nimi, ni taa gaa Uwumbɔr aaterm yɔli.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

Galantiya 5:24

Binib bi ye Yesu Kristo aanib na, bi yii baabimbikpok aah ban pu na mɔmɔk, ki di mbimbikpok ngbaan kpaa Yesu aadɔpuinkoo pu.

Efesusi 2:19

Nima pu na, nimi bi kaa ye Juu yaab na aa ki ye biwɔwɔm ni bicham Uwumbɔr aanib chee. Ni ye Uwumbɔr aanib ponn ni bibaa, ki ye waamaal mu ponn ni bibaa la.

Efesusi 4:1

Min Pɔɔl, u bi kiyondiik ni Tidindaan pu na, m gaŋni nimi, ni li dii mbamɔm. Uwumbɔr aah yin nimi ke ni li dii u pu na, ni li dii u kina.

2 Timoti 2:22

Chuu aabaa ki taa dii tiwan ni kaa ŋan na aakpeek ke binachipɔm aah dii pu na. Tun lituln li ŋan na, ki tii Tidindaan naadii mbamɔm, ki li kpa ngeehm, ni nsuudoon. Kpaan binib bi mu bi kina ki joo bisui mɔmɔk mee Tidindaan na chee.

Hiibru Yaab 11:13

Binib ngbaan mɔmɔk nan tii Uwumbɔr naadii le ki ti saa baakundaal, kaa kan Uwumbɔr aah puu tipuur ti na. Bi nan bee ke n‑yoonn mu choo na, u ga nan ŋa waah puu tipuur ti na. Bi nan len ke bi ye bicham le dulnyaa wee ni.

Hiibru Yaab 6:9

Timi aanigeekaab, ti len kina la; ti mu aa dak ke ni bi ke kitiŋ ki bi ga see ki mmii na. Ti bee ke ni ŋmar ki ga kan tinyoor.

Jemisi 4:1

Tɔ, butɔb ni kijaak ki bi nikaasisik ni na, ni nyan ni la chee? Naa ye nimi aakpeek le jaa kijaak nisui ni ii?

1 Piita 1:1

Min Piita u ye Yesu Kristo aakpambal na le ŋmee kigbaŋ kee m tii Uwumbɔr aanib bi ye biwɔwɔm dulnyaa wee ni, ki yaa ki bi Pontus aatiŋ ni, ni Galasia aatiŋ ni, ni Kapadosia aatiŋ ni, ni Asia aatiŋ ni, ni Bitinia aatiŋ ni na.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.

1 Piita 4:12

Njɔtiib bi m gee bi na, ni ji falaa u wu sakpen na la. Ni taa dak ke ni ye tiwachann la. Uwumbɔr cha ni ji falaa ke u lik nimi aabimbin aah bi pu na la. Ni taa cha ni gar nimi.

1 Piita 4:2

Nima pu na, naah laa bi dulnyaa wee ni na, ni taa ki kii nisui aah gee pu na, ni li keei Uwumbɔr aah gee pu na.

2 Piita 3:1

Maanigeekaab, kigbaŋ kimina ye kigbaŋ leler le m ki ŋmee tii nimi. Tigbann tilee ngbaan mɔmɔk ponn ni, le m teer nimi tibɔr ngbaan pu, ke m fiin ilandaknyaan nisui ni.