1 Piita 1:17 - Uwumbɔr aagbaŋ

¹⁷ Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.

UWONBƆR A GBƆNPƆŊ LIKƆƆNL

¹⁷ Nan bu-n naah yin ti Baa wan ji bininfob biɛn a bɔr nin bi toon kaah ye man wee kaa gann nin, ni bu ni che ni binbem li be ke ni ye bicham le dulinya nan yaan ki li san Uwonbɔr bijawaam nin jilimau.

1 Piita 1:17 ပူးပေါင်းရင်းမြစ်များ

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

1 Bibɔrb Aabɔr 29:15

Uwumbɔr, aa nyi ke ti bi limɔfal lee ponn ni ke biwɔwɔm ni bicham na, ke tiyaajatiib aah nan bi pu na la. Timi aamɔfal aawiin naahn kijunjuŋ ki jer cha na la, le taa ŋmaa minn nkun.

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Ilahn 39:12

Uwumbɔr, ŋun maameel, ki ŋun maawiil; m yaa wii kan, dan ki nan ter mi. Aa chee, m yunn siib ke uchaan na le dulnyaa wee ni, ke n‑yaajatiib aah nan bi pu na la.

Ilahn 89:26

U ga bui mi ke, ‘Sin le ye nte, ni Maawumbɔr; sin le ye maakikiir, sin le ye u gaal mi lir na.’

Ŋiyataŋak 14:16

Bilandam chur bibaa le kaa koo tibɔr ni, le bigbaam ma bi yɔl yɔl le ki tun kaa dakl lik.

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Sefania 3:9

“N‑yoonn ngbaan le m ga kpeln ŋitimbol ngbaan aanib aabimbin, le bi ga li gur mee min baanja ki taa ki mee liwaal libaa. Bi mɔmɔk ga kii maamɔb.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 22:16

Le bi tun baadidiliib ni Ubɔr Herod aanib bibaa Yesu chee, le bi ti bui u, “Umɔmɔkr, ti bee ke aa len mbamɔn la, ki mɔk timi Uwumbɔr aasan mbamɔm, kaa san unii ubaa ijawaan, kaa pak ubaa ki jer uken.

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

2 Korenti 1:2

Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

2 Korenti 5:6

Nima le cha ti kpa lipobil n‑yoonn mɔmɔk. Ti nyi ke taah laa bi dulnyaa wee ni buyoonn na, taa bi Tidindaan do paacham.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

2 Korenti 7:11

Uwumbɔr aah cha ni kpa mpombiin pu na, ni kan naah ŋa nimi tinyoor pu na. Nitafal bi waabɔr ni. Ni gee liŋuul titunwanbir pu, ki ban ni nyan nibaa tibɔr ngbaan ni, ki san Uwumbɔr ijawaan, ki ban ni ki kan mi, ki ban ni ŋa Uwumbɔr aageehn, ki ban ni daa unii u tun titunwanbir na aatafal. Naah ŋa kina na, ni mɔk ke naa kpa taani ubaa tibɔr ngbaan ponn ni.

Galantiya 2:6

Yesu aanib aaninkpiib bi kpa liyimbil na, baah bi pu na, naa ye nibaa m chee; ba pu? Uwumbɔr aa pak ubaa ki jer uken, binib ngbaan aa len ke m di tibɔr tibaa ki kpee maah mooni tibɔr ti na pu.

Efesusi 1:17

ki teer nimi maameel ponn ni. Tite Uwumbɔr, u ye Tidindaan Yesu Kristo Aawumbɔr, ki yeh lisil mɔmɔk na aah woln ninimbil pu na, m mee u ke u tii nimi Waafuur Nyaan mu ga tii nimi nlan, ki kpiir Uwumbɔr aah bi pu na mɔk nimi na, aan ni bee u mbamɔm, ki bee waah yin nimi ki tii nimi limakl pu na, ki bee waah ga tii waanib paacham aawan ni mɔ sakpen na pu na,

Efesusi 3:14

Nima pu le m gbaan Tite Uwumbɔr aanimbiin ni.

Efesusi 6:9

Dindatiib, ni mu li ŋani nimi aanaagbiib mbamɔm, ki taa faani bi, ki li nyi ke ni ni nimi aanaagbiib kpaan Dindaan baan le paacham. Uma aa pak ubaa ki jer uken.

Ikaal 10:17

Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Kolosiya 3:25

Unii umɔk tun lituln li kaa ŋan na, Uwumbɔr ga daa utafal waah ŋeer pu na. Uwumbɔr aa pak ubaa ki jer uken.

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

1 Piita 2:11

Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.