1 Piita 1:13 - Uwumbɔr aagbaŋ

¹³ Nima pu na, ni li dak ilandak i ŋan na, ki li chur nibaa, ki li kpa limakl n‑yoonn mɔmɔk; ba pu? Yesu Kristo yaa nyan ubaa mpaan pu kan, u ga ŋa tinyoor ŋa ni pu la.

UWONBƆR A GBƆNPƆŊ LIKƆƆNL

¹³ Mambu, ni ŋaam ni potiɛl sili ki tun itoon; ni choom niba; ki ta ni tama biɛn ki ŋa linyunyunbasanl lan wee bi na li sei nin, n-yonn man wee Yisa Masiya na yin kpiirin nin.

1 Piita 1:13 ပူးပေါင်းရင်းမြစ်များ

1 Bibɔrb 18:46

Uwumbɔr aapɔɔn nan sunn ni Elaija pu; le u di waawanpeenkaan fin uchaŋ ni kin kin, le ki san ti jer Ahab pu kina ki ti fuu Jesreel aatiŋ ni.

2 Bibɔrb 4:29

Le Elaisa fenn lik Gehasi wɔb le ki bui ke, “Yoor maajaangbeek ki li san mala. Taa sil nsan ni ke aa doon unii ubaa, le unii yaa doon si kan, taa sil ke aa kii. Li cha lidichal ngbaan ni ki ti di maajaangbeek jɔnn ubo ngbaan pu.”

Job Aagbaŋ 38:3

Fii sil ke uja na ki giin maabaan mu m baa si na.

Job Aagbaŋ 40:7

Fii sil ke uja na, ki gar maabaan.

Nnyam 12:11

Ni li ŋmɔ ti mala mala, ki pee nimi aawan, ki gor lisachuln, ki tak nimi aanaatak, ki li joo nimi aadabil niŋaal ponn ni. Lakr‑jer aajim mue ponn ni, le ni ga nyuŋ mi Uwumbɔr.

Aisaya 11:5

U ga joo waanib mbamɔm ni kinyaan.

Jeremia 1:17

Jeremia, gor ki buen ti bui bi maah bui si ke aa len pu na mɔmɔk. Taa san bi ijawaan dandana wee, naa ye kina kan, buyoonn aa bi bi chee na, le m ga cha ijawaan chuu si.

Matiu 20:4

Le u bui bi, ‘Buen maasaak ponn ni ki ti tun man. Naah tun pu na, m ga pa nimi kina la.’

Tibɔnyaan ti Luk ŋmee ti na 12:35

“Ni gor nibaa pu man, ki see nimi aakaryaa mam,

Tibɔnyaan ti Luk ŋmee ti na 17:30

Kina le ni ga li bi bundaln min Unibɔn Aabo ga nan nya ni mpaan pu na.

Tibɔnyaan ti Luk ŋmee ti na 17:8

Aa ga bui u, ‘Ŋa tijikaar ki siin mi aan m ji ki nyu. M yaa jin doo kan, aa mu ga ji ki nyu.’

Rom Yaab 13:13

Cha ti li bi mbamɔm, ke binib bi bi nwiihn ni na aah bi pu na, ki taa li ye bidanyurb, ki taa nyu ndaan ki gbii, ki taa gɔr kidagook, ki taa ŋani yɔl yɔl aatuln, ki taa jaa kijaak, ki taa li kpa lipiipoln.

Rom Yaab 8:19

Tiwan ni Uwumbɔr naan ni na mɔmɔk aanimbil man ke ni kan bundaln Uwumbɔr ga nyan waabim mpaan pu na.

1 Korenti 1:7

Nima pu na, naa lann Uwumbɔr Aafuur Nyaan aapiin mubaa, ki bi ki kii bundaln Tidindaan Yesu Kristo ga gir ni na.

1 Korenti 13:13

Tɔ, naadii, ni limakl, ni ngeehm, ni mɔmɔk nitaa le bi; ngeehm mu le jer ni mɔmɔk.

Efesusi 6:14

Nima pu na, gor nibaa man ki ti jan kijaak. Ni li joo Uwumbɔr aabɔr ti ye mbamɔn ki naahn ligbapapaln na; ki li kpa mbimbinyaan mu bi ke tikur ti bii kibiŋ pu na;

Kolosiya 3:4

Kristo, u ye timi aamɔfal na yaa nan gir ni kan, ti mu ga li bi u chee, ki kan nnyuŋ.

2 Tesalonika 1:7

ki tii timi ni nimi bi ji falaa na lifuur. Ti ga kan lifuur ngbaan bundaln Tidindaan Yesu ga nyan ni paacham ki mɔk waah bi pu na. U ni waatuuntiib ga nyan ni paacham ni mpɔɔn,

2 Timoti 4:5

Sin ma kan, chuu aabaa n‑yoonn mɔmɔk, ki ji suklaa falaa ponn ni, ki tuk binib tibɔnyaan tee, ki tun lituln li Uwumbɔr di siin si na mɔmɔk.

2 Timoti 4:8

le Uwumbɔr len ke maabɔr ŋan, ki di tinyoor bil kiir mi paacham. Tidindaan u ji binib tibɔr mbamɔm na, le ga ti di tinyoor ngbaan tii mi bundaln u ga gir ni na. Naa ye mi baanja le u ga tii. U ga tii binib bimɔk gee u ki ban ke u ki gir ni na.

Hiibru Yaab 10:35

Ni taa di nimi aapobil lii man; ba pu? nima le ga cha ni kan tinyoor sakpen.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

Hiibru Yaab 6:19

Taah kpa limakl ngbaan na, nima le joo timi aasui ke ti taa di cha waasan. Yesu pu, le ti kpa limakl ngbaan. Limakl ngbaan pu, le Yesu u bi paacham na aalandak bi tisui ni.

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.

1 Piita 1:10

Tɔ, n‑yaayoonn na aabɔnabtiib bi nan tuk binib Uwumbɔr aah ga ter nimi pu na, nan dakl lik mbamɔm, ki ban ke bi bee Uwumbɔr aah ga ŋa pu ki gaa binib lii na.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

1 Piita 5:12

Tɔ, m nyi ke Silfanus, u ye tina aabo na, bi mbamɔm la. Uma le ter mi le m ŋmee kigbaŋ waatiir kimina tii nimi ki pɔɔk nitaakpab, ki tuk nimi mbamɔn ke maah ŋmee pu na le ye Uwumbɔr aabɔr, ki ye mbamɔn. Ni taa di ti lii.

1 Piita 5:8

Ni li kpa laasaab ki li nyi; ba pu? kinimbɔŋ ki ye nimi aadin na chuun gonni, ki ban ke ni di Uwumbɔr aasan lii. Ki bi ke uchinn u chuun tar, ki ban unii u ki ga chuu ki ŋmɔ na la.

1 Jɔnn 3:3

Unii umɔk kpa Yesu pu limakl ngbaan na, u ŋani ubaa chain la, ke Yesu aah ye chain pu na.