1 Piita 1:12 - Uwumbɔr aagbaŋ

¹² Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

UWONBƆR A GBƆNPƆŊ LIKƆƆNL

¹² Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

1 Piita 1:12 ပူးပေါင်းရင်းမြစ်များ

Nnyam 25:20

Tiwan ni kpa ifeen na li si tok tɔb aan tiwan ngbaan aafeen biin dakaa aabiil pu.

Ŋiyataŋak 1:23

Li pel man maasurm, m ga tii nimi nsurm mu ŋan na, ki yakr maalan tii nimi.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 53:1

Le binib ngbaan giin kii ke, “Ŋma ba ga pak tibɔr ti ti len dandana na? Ŋma ba ga dak ke Uwumbɔr aaŋaal bi tibɔr tee ni?

Daniel 10:1

Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 12:13

“Kina pu na, sin Daniel, li si chob ki ti saa ndoon ngbaan; le aa ga kpo, ki mu tee ga fikr ki ti gaa saapal, ndoon aayoonn ngbaan.”

Daniel 12:9

Le u kii ke, “Daniel, li cha n‑yoonn mue; ba pu? tibɔr timina ye tibɔbɔrkaan la, ki ga li bɔr ki ti saa ndoon aayoonn.

Daniel 2:19

Kinyeek ngbaan le Uwumbɔr kpiir tidaŋ ngbaan mɔk Daniel tidaŋ ponn ni; le u pak Uwumbɔr u bi paacham na ke:

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 8:13

Le m ŋun Uwumbɔr aatuuntiib ubaa baa uken ke, “Tiwan ni bi tidaŋ ngbaan ponn ni na ga yunn kinye? Titunwanbir ti gaa iwiin mɔmɔk aatork na ga yunn ki ti saa kinye? Baah taar paacham aaŋmabi ni Uwumbɔr Aadichal pu pu na ga yunn ki ti saa kinye?”

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Matiu 11:25

N‑yoonn ngbaan le Yesu bui ke, “Nte Uwumbɔr, u ye paacham ni taab Aadindaan na, aa bɔr tibɔr timina bilankpalb ni binimbiwolm, le ki di mɔk chapɔntiib, nima pu le m pak si.

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Matiu 16:17

Le Yesu bui u, “Simonn, Jɔnn aajapɔɔn, Uwumbɔr aanyoor bi aa pu la. Naa ye unibɔn le kpiir kina mɔk si. Nte Uwumbɔr u bi paacham na le kpiir kina mɔk si.

Tibɔnyaan ti Mak ŋmee ti na 16:15

Le u ki tuk bi, “Ni li cha dulnyaa mɔmɔk ni, ki di tibɔnyaan tee tuk binib mɔmɔk.

Tibɔnyaan ti Luk ŋmee ti na 15:10

Liyataŋakl lee aatataa le ye ke titunwanbirdaan ubaa yaa kpeln waabimbin kan, u pu le Uwumbɔr aatuuntiib ga li mɔɔni paacham.”

Tibɔnyaan ti Luk ŋmee ti na 2:26

ki nan mɔk u ke waan kpo, see u kan Uwumbɔr aanii Kristo u ga gaa binib lii na waahr.

Tibɔnyaan ti Luk ŋmee ti na 9:6

Yesu aah tuk waadidiliib kina ki doo na, le bi siir ki bɔ dii ntim ni, ki mooni tibɔnyaan tee. Baah buen nimɔk na, le bi cha bibum pɔɔk.

Jɔnn 15:26

“Tɔ, Uteter na ga fuu ni. Uma le ye Nte Uwumbɔr Aafuur Nyaan mu ye mbamɔn, ki nyan ni Uwumbɔr chee na. Min le ga tun ni mu ni chee. Muma le ga nan tuk nimi maabɔr.

Lituln 10:44

Tɔ, Piita aah laa bi len kina na, le Uwumbɔr Aafuur Nyaan sunn ni ki nan gbiin binib bimɔk ŋun waah len pu na.

Lituln 16:10

Pɔɔl aah daŋ tidaŋ ngbaan kina na, le min Luk ni Pɔɔl mam gor ke ti buen Masedonia aatim ni. Ti nan bee ke Uwumbɔr le yin timi ke ti buen ki ti tuk kitiŋ ngbaan aanib tibɔnyaan na.

Lituln 2:33

Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

Lituln 4:31

Baah mee Uwumbɔr doo na, le baah bi kidiik ki ponn ni na deŋ. Le Uwumbɔr Aafuur Nyaan gbiin bi mɔmɔk. Le bi kan lipobil, le ki tuk binib Uwumbɔr aabɔr.

Lituln 4:8

Le Uwumbɔr Aafuur Nyaan fir Piita pu. Le u bui bi, “Juu yaab aayidam, ni bibɔjirb aaninkpiib,

Lituln 8:25

Tɔ, Piita ni Jɔnn nan tuk Samaria aatiŋ aanib Tidindaan aabɔr, ki sur bi mbamɔm, le ki nin gir buen Jerusalem. Baah chuun ki cha na, le bi bɔ dii Samaria aatim pam ponn ni, ki tuk binib Yesu aabɔnyaan.

Rom Yaab 1:15

Nima le m ban ke m tuk nimi bi bi Rom aatiŋ ni na mu tibɔnyaan ngbaan.

Rom Yaab 1:17

Tibɔnyaan ngbaan mɔk timi ke unii yaa gaa Yesu Kristo ki kii kan, Uwumbɔr ga len ke waabɔr ŋan. Ni ŋmee Uwumbɔr Aagbaŋ ni ke, “Uninyaan aah gaa Uwumbɔr ki kii na, u ga li kpa limɔfal.”

Rom Yaab 10:15

Uwumbɔr yaa kaa tun bi ke bi ti moon waaliin kan, bi ga ŋa kinye aan ki moon i? Ni ŋmee Uwumbɔr Aagbaŋ ni ke, “Binib bi joo ni tibɔnyaan ti tii timi nsuudoon na, bi tii timi mpopiin pam.”

Rom Yaab 15:19

Uwumbɔr Aafuur Nyaan aapɔɔn pu le m tun lijinjiir aatun, ke bi bee waah kpa mpɔɔn pu na. Kina le m mooni Kristo aabɔnyaan mɔmɔk Jerusalem ponn ni, ki di ti saa Ilirikum aatiŋ ni.

1 Korenti 2:10

Le Uwumbɔr cha Waafuur Nyaan kpiir tiwan ngbaan mɔk timi. Ba pu? Nfuur Nyaan ngbaan nyi tiwan mɔmɔk, ki nyi Uwumbɔr aasui ni aabɔr mu.

2 Korenti 1:22

U daan timi ke uma le yeh timi, ki di Waafuur Nyaan ŋa tisui ni, ke u mɔk timi waah ga tii timi pu na n‑yoonn mu choo na.

2 Korenti 6:6

Timi aabimbin bi chain la. Ti bee Uwumbɔr aabɔr, ki kpa limɔr, ni tibulchinn, ki gbii Uwumbɔr Aafuur Nyaan, ki gee binib mbamɔm,

Galantiya 1:12

Maa nan gaa ti binib chee. Unii ubaa aa di ti tuk mi. Yesu Kristo ubaa le kpiir ti tuk mi.

Galantiya 1:16

Waageehn pu le u kpiir Ujapɔɔn aah bi pu na mɔk mi, ke m buen ti tuk binib bi kaa ye Juu yaab na waabɔr. Waah ŋa kina na, le maa buen unii ubaa chee ki ti kpokl maah ga ŋa pu na,

Efesusi 3:10

U ŋa kina ke waatuuntiib bi bi paacham na yaa kan Juu yaab ni bi kaa ye Juu yaab na aah kpaan tɔb chee ki ŋa Yesu aanib pu na kan, bi ga bee uma Uwumbɔr aah kpa nlan mɔk aabɔŋ pu na.

1 Tesalonika 2:9

Nnaabitiib, ni teer taah nan tun lituln linimaln pu na. Ti tuk nimi Uwumbɔr aabɔnyaan, ki tun lituln nwiin pu ni kinyeek mɔk, ke ti ji. Ba pu? taa nan ban ni ji ti pu falaa.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Hiibru Yaab 11:13

Binib ngbaan mɔmɔk nan tii Uwumbɔr naadii le ki ti saa baakundaal, kaa kan Uwumbɔr aah puu tipuur ti na. Bi nan bee ke n‑yoonn mu choo na, u ga nan ŋa waah puu tipuur ti na. Bi nan len ke bi ye bicham le dulnyaa wee ni.

Hiibru Yaab 2:4

Uwumbɔr mu cha bi tun lijinjiir aatun aabɔŋ aabɔŋ, waapɔɔn pu, ki tii bi Waafuur Nyaan aapiin waah gee pu na. Nima le mɔk ke bi len mbamɔn.

Hiibru Yaab 4:2

Ti mu ŋun tibɔnyaan tee ke binib ngbaan aah nan ŋun ti pu na. Bi nan ŋun ti, kaa gaa ti ki kii, nima le tibɔnyaan ngbaan aa ŋa bi tinyoor.

1 Piita 1:25

Uwumbɔr aamɔboln ma ga li bi ki ti saa n‑yoonn mu kaa kpa ndoon na.” Limɔboln ngbaan le ye tibɔnyaan ti bi tuk nimi na.

1 Piita 4:6

Nima le cha bi nan tuk binib bi kpo na Uwumbɔr aabɔnyaan tee. Bi nan kpo ke unibɔn mɔk aah kpo pu na. Le bi nan tuk bi Uwumbɔr aabɔnyaan tee, ke bi kan nsan ki gaa u ki kii aan baawiin kan Uwumbɔr aamɔfal ki li bi u chee.

Tibɔkpiirkaan 5:11

Le m lik ki kan Uwumbɔr aatuuntiib ŋichur ŋichur, kaa ti nyi baakahm. Bi si gob Uwumbɔr aabɔrjal, ni tiwanfuurkaan, ni bininkpiib ngbaan.