1 Korenti 9:16 - Uwumbɔr aagbaŋ

¹⁶ M yaa tuk binib tibɔnyaan tee kan, maan ŋmaa li kpa kipupuk ti pu. Ni muk mi ke m tuk bi. M yaa kaa tuk binib tibɔnyaan tee kan, tibɔbir ga li bi m pu.

UWONBƆR A GBƆNPƆŊ LIKƆƆNL

¹⁶ Hali n mɔɔn tibɔŋannin ke, maa li fir fa n gbingbanli, amaa ni kpaa talar le ke n mɔɔn ti. Ni li bir ki seim ni ye maa mɔɔn tibɔŋann nmɔn ke.

1 Korenti 9:16 ပူးပေါင်းရင်းမြစ်များ

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Jeremia 1:17

Jeremia, gor ki buen ti bui bi maah bui si ke aa len pu na mɔmɔk. Taa san bi ijawaan dandana wee, naa ye kina kan, buyoonn aa bi bi chee na, le m ga cha ijawaan chuu si.

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Amos 7:15

Le Uwumbɔr chuu nyan mi maapihkpaal ponn ni ki bui mi ke m ti nabr waabɔr tuk waanib Israel yaab.

Matiu 25:16

Ututunn u nan joo ŋichur ŋiŋmu na, libuul ngbaan ni le u tiir kitiir, ki kan tinyoor ŋichur ŋiŋmu ki di kpee.

Tibɔnyaan ti Luk ŋmee ti na 9:62

Le Yesu bui u, “Unii yaa joo unaaja ko kisaak ki lik puwɔb kan, waa ŋeer Uwumbɔr aanaan ni aatuln.”

Lituln 4:20

Ti ga li beenin tuk binib taah kan pu na, ni taah ŋun pu na. Taan ŋmaa yii.”

Lituln 9:15

Le Tidindaan bui u, “Li cha u chee. M nyan u la, u ti li joo maabɔr tuk bibɔrb, ni Juu yaab, ni binib bi kaa ye Juu yaab na, ki cha bi bee mbɔr.

Lituln 9:6

Fii sil, ki li cha kitiŋ ngbaan ni. Aa yaa ti fuu kan, bi ga tuk si saah ga ŋa pu na.”

Rom Yaab 1:14

Ni ye limukl le ke m di tibɔnyaan tee tuk binib mɔmɔk, bi aanimbil woln na, ni bi aanimbil kaa woln na, ni bi bae mbaem na, ni bi kaa bae mbaem na.

Rom Yaab 15:17

Maah tun lituln tii Uwumbɔr na, le m ga ŋmaa li kpa kipupuk Yesu Kristo pu.

Rom Yaab 4:2

Ni yaa ba ye waatunyaan pu le cha Uwumbɔr len ke waabɔr ŋan kan, u ba ga ŋmaa li kpa kipupuk. U mu aa ŋmaa li kpa kipupuk Uwumbɔr chee.

1 Korenti 4:15

Ba pu? ni yaa kpa bimɔmɔkb ŋichur kipiik Kristo aasan ni kan, ni kpa te ubaa baanja la. Min le ye nite. Kinye? maah nan tuk nimi tibɔnyaan tee na, le m kpaln nite Yesu Kristo aasan ni.

1 Korenti 9:12

Binib biken yaa kpa nsan ke bi gaa tiwan ni chee kan, taa kpa nsan ki jer bi ii? Ti kpa nsan, ti mu aa nan gaa; ba pu? taa ban ti leŋ Kristo aabɔnyaan. Nima pu, le ti nan ji falaa mɔmɔk.

1 Korenti 9:14

Kina le Tidindaan nan len ke binib bi mooni tibɔnyaan tee na, bi mu li ji ti ponn ni.

2 Korenti 2:12

M nan buen Troas aatiŋ ni, m ti moon Kristo aabɔnyaan. Maah fuu ni na, le Tidindaan tii mi nsan ke m tun waatuln ngbaan.

Kolosiya 4:17

Tuk Akipus ke Tidindaan aah tii u lituln li ke u tun na, u li nyi ki tun li mbamɔm.

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.