1 Korenti 9:13 - Uwumbɔr aagbaŋ

¹³ Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

UWONBƆR A GBƆNPƆŊ LIKƆƆNL

¹³ Naa nyi ke ban tun Uwonbɔr a wonjiɛn niin n-yaan, bi jiir nya niin lee, le ban mu mann kumanug Uwonbɔr a binbinl bu-n mu por nan wee bi mann libinbinl bu-n lee?

1 Korenti 9:13 ပူးပေါင်းရင်းမြစ်များ

Liifai Yaab 21:22

Unii kina aaboln ga ŋmaa ji tijikaar ti bi di tii min ti ye chain, ni chain chain aajikaar aatork na.

Liifai Yaab 22:7

Nwiin yaa lir aan u fu nnyun kan, le u ga ŋa chain ki ŋmaa ji ipiin i bi chain na aatork aajikaar ti ye uyaan na.

Liifai Yaab 6:26

Utotoor u ŋa kitork ngbaan na le ga ŋmɔ kiwakork ngbaan aanann, chain aapepel ni, Uwumbɔr aanimbiin ni, Libool ngbaan aachiln ni.

Liifai Yaab 7:31

Utotoor di nkpan ngbaan see mmii ni, libimbiln paab, aan bitotoorb li joo libingbaal libaa.

Nkahm 18:31

Naah bi Maabool ni ki tun maatuln na, aa ni saamaal ga ŋmaa ji ni gur na, naah gee nin chee na; nimi aapar le na.

Rom Yaab 6:16

Aa yaa di aabaa tii unii aan ki kii waamɔb kan, aa ye waanaagbiija la. Naa bee kina aa? Aa yaa kii tii titunwanbir kan, aa ye titunwanbir aanaagbiija la, le ki ga kpo. Aa yaa kii Uwumbɔr aamɔb kan, u ga bui ke saabɔr ŋan.

1 Korenti 10:18

Dakl lik man Juu yaab aah ŋani pu na. Binib bi toor kitork tii Uwumbɔr ki ji na, bi ni u kpaan la.

1 Korenti 9:24

Ni nyi ke binib yaa kpak ki san litaasaln kan, bi mɔmɔk san; le unibaan u ji na, uma le kani ipiin. Kina pu na, ni mɔmɔk li san ke unii u ji na aah san pu na, aan ki kan ipiin ngbaan.

Ikaal 10:9

Kina pu le baa nan yakr kitiŋ tii Liifai yaab aanibol ke biken na. Baah nan gaa ipiin i na le ye ke bi nan kpa nsan ke bi li ye Nidindaan Uwumbɔr aatotoorb, ke waah nan puu pu na.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.