1 Korenti 8:6 - Uwumbɔr aagbaŋ

⁶ Tima kan, ti kpa Uwumbɔrbaan, u ye Tite na. Uma le nan naan tiwan mɔmɔk. Ti bi ke ti li ŋani waageehn la. Ti kpa Tidindaan ubaa mu la. Uma le ye Yesu Kristo. Uma le Uwumbɔr nan cha u naan tiwan mɔmɔk. Uma pu le ti bi.

UWONBƆR A GBƆNPƆŊ LIKƆƆNL

⁶ tim ban ma ke, Uwonbɔr uba kpeŋileŋ le be, u ma ye ti Baa Uwonbɔr wan nan naan niwann biɛn, le Uyudaan uba kpeŋileŋ mu le be u ma ye Yisa Masiya, u ma bu le tiwann biɛn nan naan, le ti mu be u ma bu le.

1 Korenti 8:6 ပူးပေါင်းရင်းမြစ်များ

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Jona 1:9

Le Jona gar bi ke, “M ye Hiibru aanii la. M dooni Uwumbɔr u ye paacham Aadindaan, ki naan kitiŋ, ni nnyusakpem na la.”

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Jɔnn 1:10

Baah yin u ke Limɔboln na nan naan dulnyaa, ki dan nan bi dulnyaa ni, le dulnyaa aanib aa bee u.

Jɔnn 1:3

Uwumbɔr nan cha u naan tiwan mɔmɔk. Tiwan nibaa aa gur waa naan ni.

Jɔnn 10:30

M ni Nte Uwumbɔr ye unibaan la.”

Jɔnn 13:13

Ni yin mi ke Umɔmɔkr, ki ki yin mi ke Nidindaan. Ni len mbamɔn la; ba pu? m ye kina la.

Jɔnn 14:20

Liyaadaal ngbaan le ni ga bee ke m bi Nte Uwumbɔr ni, le ni mu bi m ni, le m mu bi ni ni.

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Jɔnn 20:17

Le Yesu bui u, “Taa meeh mi. Maa kee buen paacham, Nte Uwumbɔr chee. Li cha ki ti tuk nnaabitiib ke m cha paacham, Nte u ye Maawumbɔr na chee la, u ye ni mu Aate, ki ye ni mu Aawumbɔr na.”

Lituln 17:28

Uma pu le ti fu, ki chuun, ki bi. N‑yaayoonn na, nimi aalankpalb bibaa nan len ke, ‘Ti ye Uwumbɔr aabim la.’ Baah len pu na, ti gbii.

Lituln 2:36

Le Piita ki len ke, “Israel yaab mɔmɔk, m ban ke ni sil bee ke ni ye Yesu aabɔr le m len. Nimi le kpaa u ndɔpuinkoo pu. Uwumbɔr le mɔk ke uma Yesu le ye Kristo u gaa timi lii na, ki ye Tidindaan.”

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Rom Yaab 11:36

Tiwan nimɔk bi na, ni nyan ni u chee la. U cha tiwan mɔmɔk beenin bi. Tiwan mɔmɔk bi, ke ni pak u. Uma le yeh mpakm n‑yoonn mu kaa kpa ndoon na. Amii.

1 Korenti 1:2

tii Uwumbɔr aanib bi bi Korint aatiŋ ni na. Uwumbɔr Aafuur Nyaan ŋa nimi bininyaam Yesu Kristo pu, ki yin nimi ke ni li ye waaninyaam, ni binib bimɔk yin Tidindaan Yesu Kristo aayimbil ntim mɔmɔk ni na. U ye Bidindaan, ni ti mu Aadindaan.

1 Korenti 12:3

Nima pu na, m ban ke ni bee ke Uwumbɔr Aafuur Nyaan aapɔɔn yaa cha unii len tibɔr kan, waan ŋmaa sii Yesu. Unii ubaa mu aan ŋmaa len ke Yesu le ye Udindaan see Uwumbɔr Aafuur Nyaan le ga cha u len kina.

1 Korenti 6:13

Bibaa len ke lipuul pu le tijikaar bi, le tijikaar mu pu, lipuul bi. Tɔ, Uwumbɔr ga cha ni mɔmɔk nilee ŋa yɔli. Timi aawon tee aa bi kidagook aatuln pu, ti bi Tidindaan aatuln pu la. Tiwon mu ye Tidindaan yaan la.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Efesusi 3:14

Nima pu le m gbaan Tite Uwumbɔr aanimbiin ni.

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Ikaal 4:39

Nima pu na, teer din wee man, ki taa suln kpala ke Uwumbɔr le ye Uwumbɔr u joo paacham ni kitiŋ kee na. Uwumbɔr uken aa ki bi.

Ikaal 6:4

“Israel yaab, teer man tibɔr tee. Tidindaan Uwumbɔr le ye timi Aawumbɔr. Ubaa aa ki bi.

Kolosiya 1:6

Tibɔnyaan ngbaan le cha nimi ni binib bi bi ŋipepel mɔmɔk na tun litunyaan. Binib moo gaal tibɔnyaan ngbaan ki keei, nikaasisik ni, ni ŋipepel mɔmɔk. Naah ŋun ti, ki bee mbamɔm Uwumbɔr aah ŋani nimi tiŋann pu na, le binib moo gaal tibɔnyaan ngbaan ki keei nikaasisik ni, ki nan saa dandana.

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.