1 Korenti 8:3 - Uwumbɔr aagbaŋ

³ Unii mu yaa gee Uwumbɔr kan, Uwumbɔr beer udaan ngbaan.

UWONBƆR A GBƆNPƆŊ LIKƆƆNL

³ Amaa uninfo wan ban Uwonbɔrin, u ma le Uwonbɔr nyi.

1 Korenti 8:3 ပူးပေါင်းရင်းမြစ်များ

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 17:3

Aa nyi nsui. Aa dan m chee kinyeek ki nan tɔŋ mi mbamɔm, ki kan ke maa kpa titunwanbir tibaa.

Nnyam 33:12

Moses nan bui Uwumbɔr ke, “Ni ye mbamɔn ke aa tuk mi ke m loln binib ngbaan pu nsan, ki di bi buen kitiŋ ngbaan ni, tɔ, saa tuk mi u ga cheen mi na. Aa bui ke aa nyi mi, ki gee maabɔr mbamɔm.

Nnyam 33:17

Uwumbɔr nan gar Moses ke, “M ga ŋa saah mee pu na, ba pu? m nyi si, le nsui piin aa pu mbamɔm.”

Jeremia 1:5

“M nan nyan si waahr le ki nin tii si limɔfal, le waahr aan bi nin ma si na, m nan lee si ke aa li ye maabɔnabr tii ŋitimbol.”

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Nahum 1:7

Uwumbɔr ŋan; waanib yaa bi tibɔr ni kan, u kii bi; le ki lik binib bi fenn buen u chee ki ban nterm na pu.

Matiu 7:23

Le m ga tuk bi, ‘Nimi titunwanbirdam, maa nyi nimi. Siir m chee man.’”

Jɔnn 10:14

Min le ye upihdaanyaan na, ki nyi maapiih. Le maapiih mu nyi mi,

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Rom Yaab 11:2

Uwumbɔr aa yii waanib bi u nan lee bi njan na. Ni bee Uwumbɔr Aagbaŋ aah len Elaija aabɔr pu na. Elaija nan galn Israel yaab Uwumbɔr chee,

1 Korenti 13:12

Dandana, ni bi ke ti lik kinimbilikr, ki lik puu na la; n‑yoonn mu choo na, tiwan nibaa aan nan ki li bi tinimbiin ni ki doŋ timi tiwan nibaa chee. Ti ga li waa tiwan mɔmɔk chain. Dandana m nyi ngem. N‑yoonn mu choo na, m ga nan li nyi ni mɔmɔk, ke Uwumbɔr aah nyi maabɔr mɔmɔk pu na.

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

Galantiya 4:9

Dandana wee, ni nyi Uwumbɔr, le u mu nyi nimi. Ba ŋa ni ban ni labr ki ki dii dulnyaa aawanbir mu kaa kpa mpɔɔn, kaa ŋmaa ter nimi na? Ba ŋa ni ban ke tiwanbir ngbaan ki li joo nimi tinaagbiir?

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

1 Jɔnn 4:19

Uwumbɔr le nan puen gee timi. Nima pu le ti mu gee u.

1 Jɔnn 4:7

Maanigeekaab, cha ti li gee tɔb. Ba pu? u cha binib gee tɔb na le ye Uwumbɔr. Unii umɔk gee unaabitiib na, u ye Uwumbɔr aabo la, ki nyi Uwumbɔr.

Tibɔkpiirkaan 2:13

M nyi naah bi nin chee na, ke ni bi kitiŋ ki ye kinimbɔŋ aatiŋ na ponn ni la. Ni mu beenin si nchaŋ ni la, kaa yii mi. Buyoonn bi nan ku maaseeraadaan bamɔnn Antipas nikaasisik ni, kinimbɔŋ aah bi nin chee na, naa nan yii mi.

Tibɔkpiirkaan 2:19

M nyi naah tun pu na, ki gee binib pu na, ki gaa mi ki kii pu na, ki kpa limɔr pu na, ki tun lituln dandana wee ki jer naah nan tun njan pu na.

Tibɔkpiirkaan 2:9

M nyi naah ji falaa sakpen pu na, ki ye bigiim pu na; ni mu tee ye biwankpadam le Uwumbɔr chee. M nyi binib bibaa aah sii nimi pu na. Bi len ke bi ye Juu yaab, le kaa ye; bi ye kinimbɔŋ aanib la.