1 Korenti 7:32 - Uwumbɔr aagbaŋ

³² Maa ban ke nibaa li muk nimi nisui ni. Uja u kaa kpa puu na, utafal bi Tidindaan aabɔr ni la. U dakl waah ga ŋa pu ki piir Tidindaan aasui na la.

UWONBƆR A GBƆNPƆŊ LIKƆƆNL

³² N ban ni li be ni wiib le ki laa che niba mugir ni, ujakpag a baga be u Yudaau a toon yin le, le u gbaar waah li ŋa man wee nin gbee Uyudaan a num.

1 Korenti 7:32 ပူးပေါင်းရင်းမြစ်များ

Ilahn 55:22

Di saamuk di tii Uwumbɔr, le u ga kiir si, waan cha bi nyaŋ binib bi aabimbin ŋan na.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Tibɔnyaan ti Mak ŋmee ti na 4:19

Bi ŋun tibɔr ngbaan la. Le dulnyaa wee ni aabɔr, ni liwankpal aakɔrk, ni tiwan aabɔŋ aakɔrk mu koo bisui ni, le ki ku tibɔr ngbaan bisui ni, le taa mar.

Jɔnn 10:13

U kpaa ipiih ŋimombil pu la. Utafal aa bi i ni. Nima le cha u san cha i.

1 Korenti 7:33

Uja u kpa puu na, utafal bi dulnyaa wee ni aabɔr ni la, u dakl waah ga ŋa pu ki piir upuu aasui na la,

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

1 Timoti 5:5

Ukpopii u sil ye ukpopii ki gur ubaa na kpa limakl Uwumbɔr pu la. Le u ga li mee Uwumbɔr ki gaŋni u nwiin pu ni kinyeek.