1 Korenti 7:29 - Uwumbɔr aagbaŋ

²⁹ Nnaabitiib, maah len pu na le ye ke n‑yoonn mu gur na, mu par a. Nima pu na, binib bi kpa puutiib na, bi li bi ke baah kaa kpa le na;

UWONBƆR A GBƆNPƆŊ LIKƆƆNL

²⁹ Maah ban n wɔɔn ni nan sɔ, n nabum, n-yonn kaa ji yabi, naah nyan daandaan nan ki jɔɔ chaa, ban jɔɔ bipiib li be ke ban kaa jɔɔ bipiibin;

1 Korenti 7:29 ပူးပေါင်းရင်းမြစ်များ

2 Samuel 19:34

Le Basilai gar u ke, “Maan ki yunn; m ga ki dii si, Mpɔɔndaan, buen Jerusalem ni, ki ti ŋa ba?

Ulandaan 6:12

Unii aan ŋmaa bee tiwan ni ŋan tii unibɔn, kimɔfageŋ ki kaa kpa tinyoor tibaa ki pinni jer ke kijunjuŋ na ni. Unii aan ŋmaa bee tiwan ni ga ŋa dulnyaa wee ni, waakun aapuwɔb na.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Esekiel 7:12

N‑yoonn ngbaan choo. N‑yoonn peen ni, le kitiirk aan nan ki li kpa ŋitaa; ba pu? Uwumbɔr aah ga nan daa unii mɔmɔk aatafal pu na ga li ye mbaa la.

Tibɔnyaan ti Luk ŋmee ti na 14:20

Le ubaa mu bui u, ‘M laa kunn upii la, le kaan ŋmaa dan.’

1 Korenti 7:28

Uja mu yaa din upii kan, naa bir. Usapɔɔn mu yaa mɔn uja kan, naa bir. Bipiijoob ni bichadam mu ga kan falaa dulnyaa wee ni. Le maa ban ke ni kan falaa ngbaan.

1 Korenti 7:30

binib bi wii na mu li bi ke baah kaa wii le na, binib bi kpa mpopiin na mu, bi li bi ke baah kaa kpa mpopiin le na, binib bi daa ki tiir na mu, bi li bi ke baah kaa kpa nibaa na.

1 Korenti 7:31

Binib bi kpa dulnyaa ni aawan ki joo tun baatuln na, bi taa cha binimbil li man ni pu; ba pu? dulnyaa wee, ni waawan bi jer la.

1 Piita 1:24

Ni ŋmee Uwumbɔr Aagbaŋ ni ke, “Binib mɔmɔk bi ke timoor na la. Baanyaan bi ke mmopuun na la. Timoor yɔl mala, le mmopuun mu gbaar,

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

1 Jɔnn 2:17

Dulnyaa wee ga doo. Tiwan ni binib aanimbil man ni pu na, ni mu ga doo. Unii umɔk ŋani Uwumbɔr aageehn na ga li bi n‑yoonn mu kaa kpa ndoon na.