1 Korenti 7:2 - Uwumbɔr aagbaŋ

² Tɔ, kidagook aatuln pu, ni ŋan ke uja mɔmɔk li kpa uma ubaa aapuu, upii mɔmɔk li kpa uma ubaa aachal.

UWONBƆR A GBƆNPƆŊ LIKƆƆNL

² Amaa iwanjaab toon kaah yab nbu, ni ŋan nin uja biɛn li jɔɔ u poo, le upii biɛn mu li jɔɔ u chal.

1 Korenti 7:2 ပူးပေါင်းရင်းမြစ်များ

Ŋiyataŋak 18:22

Kan upii ki bee ke aa kan tiwanyaan la; ni mɔk ke Uwumbɔr gee si la.

Ŋiyataŋak 19:14

Uja ga ŋmaa ji ute aadichal ni ŋimombil aafaal; Uwumbɔr baanja le ga ŋmaa tii u upiilandaan.

Malakai 2:14

Ni baa le ke ba ŋa? Naah ye pu na le ye ke u nyi ke aa bii tipuur ti aa nan laa ye unachipɔɔn ki puu ti tii upii u aa nan yoor na. Aa ni upii ngbaan nan kpaan la, le aa bii tipuur ti aa nan puu tii u na, ki nyi ke aa nan puu tipuur ngbaan Uwumbɔr aanimbiin ni ke saan nya upuwɔb.

Matiu 5:32

Min le tuk nimi ke upii yaa kaa gɔr kidagook kan, uchal yaa jenn u lii kan, u ŋa u upiidagoor le na. Uja u yoor baah jenn upii u lii na mu ye udagoor la.”

1 Korenti 6:18

Ni di cha kidagook aatuln. Unii yaa tun titunwanbir kan, naa bi tiwon ponn ni, see kidagook aatuln. Unii u gɔr kidagook na, u ŋa uma ubaa aawon bakaa la.

1 Korenti 7:1

Naah ŋmee mi kigbaŋ tibɔr ti pu na, ni ŋan ke uja taa li nyi upii.

1 Korenti 7:3

Upii yaa ban uchal kan, u taa yii, uja mu yaa ban upuu kan, u taa yii.

1 Korenti 7:9

Ni mu yaa kaa ŋmaa chuu nibaa kan, cha bijab din bipiib, bipiib mu mɔn. Bijab ni bipiib yaa yoor tɔb kan, ni soor ni binimbil li man tɔb pu, kaa kan.

Efesusi 5:28

Kina le ni ŋan ke bijab li gee bipuutiib ke baah gee bibaa aawon pu na. Uja u gee upuu na, u gee ubaa la.

Efesusi 5:33

Nima pu na, uja mɔk aah gee ubaa pu na, u li gee upuu mu kina. Upii mɔk mu li pak uchal.

1 Tesalonika 4:4

Ni ŋan ke ni mɔmɔk bee naah ga ŋa pu ki li joo tiwon mbamɔm aan ti li bi chain, ki tun lituln li ŋan na.

1 Timoti 4:3

Bi ga len ke bijab taa din bipiib, bipiib mu taa mɔn bijab. Bi ga li kɔ tijikaar tibaa. Uwumbɔr le naan tijikaar ngbaan. U ban ke binib bi gaa u ki kii ki nyi mbamɔn na le ji ti, ki doon u ti pu.

Bibɔjirb 21:22

Bitetiib, bee bininjatiib yaa dan ni chee ke bi nan gaa bi kan, ni ga ŋmaa bui bi ke, ‘Ŋaanii ki cha ti li joo bi man, ba pu? taa chur bi ni chee butɔb ni le ke ti di bi ŋa tipuutiib. Ni mu aah kaa di bi tii timi nibaa na, naa bii naah puu tipuur ti na.’”