1 Korenti 6:10 - Uwumbɔr aagbaŋ

¹⁰ ni binaayukb, ni binimandam, ni bidagbiirb, ni ŋisiibildam, ni binib bi ji biken pempem na, aan kan Uwumbɔr aanaan.

UWONBƆR A GBƆNPƆŊ LIKƆƆNL

¹⁰ bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

1 Korenti 6:10 ပူးပေါင်းရင်းမြစ်များ

Ŋiyataŋak 7:27

Ni yaa buen udo kan, ni bi nkun aasan ni la. Mu ye nsan mu cha kitekpiitiŋ ni la.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Jeremia 7:11

Ni dak ke Maadichal ni ye mbɔbɔryaan nin chee binaayukb ga bɔr na la aa? M kan naah ŋani tiwan ni mɔmɔk na.

Esekiel 22:13

“M ga daa Jerusalem aatiŋ aatafal kaanaayuk ni linikul ngbaan pu.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Esekiel 22:29

Biwankpadam su kinaayuk le ki ji binib pem pem. Bi ŋani bigiim mbiin le ki ji biwɔwɔm ke baah ye bicham na pu.

Matiu 21:19

Le u kan likakaln si nsan aamɔgbeln, le ki buen bu taab, kaa kan lisubil libaa bu pu, see tifar ŋmeen. Le u bui busub ngbaan, “Saan ki lu ŋisubil n‑yoonn mu kaa kpa ndoon na.” Libuul ngbaan ni le busub ngbaan mɔmɔk kuur.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Matiu 23:33

Nimi iwaa, bi ye ijagen aabim na, ni ga ŋa kinye ki nya ntafadaan mu ga pii nimi, mmii mu kaan junn na ponn ni.

Jɔnn 12:6

Judas aatafal aa nan bi bigiim ni. U nan ye unaayuk la, ki nan ye unii u joo ŋimombil aataakɔr na, ki su baah di ŋimombil ŋi ŋa li ponn ni na. Nima le cha u len kina.

Lituln 20:32

“Nnaabitiib, m di nimi ŋa Uwumbɔr aaŋaal ni, ke u li lik nimi. M tuk nimi waaliin i mɔk timi waah gee timi pu na. Waaliin ngbaan ga ter nimi, ke ni dii waasan mbamɔm. U ga di lifaal tii nimi, ni binib bimɔk bi chain na.

1 Korenti 15:50

Nnaabitiib, maah len pu na le ye ke tiwon ti ye tinann ni nsin na aan ŋmaa koo Uwumbɔr aanaan ni paacham. Ni ga bur na mu aan ŋmaa le ye ni kaan bur na.

1 Korenti 5:11

Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

Galantiya 5:21

ki kpa iniman, ki ku binib, ki nyu ndaan gbii, ki gbiir bidagbiib aagbiir, ki tun lituln limina mɔk aaboln. M ki sur nimi ke maah nan sur nimi n‑yoonn mu jer na pu na, ke binib bi ŋani kina na aan koo Uwumbɔr aanaan ni.

Efesusi 4:28

Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.

Efesusi 5:5

Ni po nyi ke unii umɔk ye udagoor na, ni unii umɔk ye tijɔŋdaan na, ni unii umɔk ye unimandaan na, aan koo ni Kristo ni Uwumbɔr aanaan ni. Unii yaa kpa iniman kan, liwangol ye liwaal la, le u dii.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

1 Piita 4:15

Le ni ponn ni ubaa yaa jin falaa linikul pu, bee kinaayuk pu, bee baka baka pu, bee libɔbaln pu kan, nima aa ŋan.