1 Korenti 5:8 - Uwumbɔr aagbaŋ

⁸ Nima pu na, cha ti li ji Lakr‑jer aajim, ki ŋmɔ boroboro u kaa kpa nnyɔk na, ki di boroboro aanyɔkpok lii. Maah len pu na le ye ke ti li dak ilandak i ŋan na, ki li ŋani mbamɔm, ki di bakaa ni titunwanbir lii.

UWONBƆR A GBƆNPƆŊ LIKƆƆNL

⁸ Ni bu ni che ti ji yuglagir a chiig wee ki laa jɔɔ nbinben kpeg man ye titoonbir nin npooton, amaa ki li kpenn ki ŋa bininfob pɔm ki li si nbamɔm nin ibamɔn na.

1 Korenti 5:8 ပူးပေါင်းရင်းမြစ်များ

Ilahn 32:2

Binib bi Uwumbɔr aan len ke baabɔr bii na, ni binib bi kaa gee inyamɔn na, bima le kpa mpopiin.

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:19

Iwiin ilole ngbaan aakaasisik ni, ubaa taa li kpa boroboro aanyɔk udo lichiln ni, nimi ntimbim, bee uchaan, yaa ŋman boroboro u kpa boroboro aanyɔk na kan, waan ki li ye maanii kpala.”

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Nnyam 13:6

Iwiin ilole, ni li ŋmɔ boroboro u kaa kpa nnyɔk na, le winlole daal, ni ŋa njim ki nyuŋ Uwumbɔr.

Nnyam 13:7

Iwiin ilole, ni taa ŋmɔ boroboro u kpa boroboro aanyɔk na; boroboro aanyɔk, bee boroboro u kpa nnyɔk na taa li bi ubaa do, nimi aatiŋ ni.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 30:29

Le nimi Uwumbɔr aanib ga li kpa mpopiin ki gaa ilahn ke naah ŋani pu kinyeek ki ni ji Uwumbɔr aajim mubaa na. Ni ga li kpa mpopiin ke binib bi waa kulufeeŋ aawaal ki cha Uwumbɔr u ye Israel yaab aakikiir na Aadichal ni na.

Liifai Yaab 23:6

Winpiik ni iŋmu daal le boroboro u kaa kpa nnyɔk na aajim mu piini, le ki yoor liyaadaal ngbaan ki ti saa iwiin ilole, ni taa ŋmɔ boroboro u kpa nnyɔk na.

Matiu 16:12

Waah len kina na, le bi bee ke waa len boroboro aabɔr. U len ke bi li nyi ki taa dii Farisii yaab ni Sajusii yaab aamɔkm la.

Matiu 16:6

Le Yesu bui bi, “Ni li nyi man Farisii yaab ni Sajusii yaab aaboroboro aanyɔk bɔr.”

Tibɔnyaan ti Mak ŋmee ti na 8:15

Le u bui bi, “Ni li nyi man Farisii yaab, ni Ubɔr Herod aaboroboro aanyɔk.”

Tibɔnyaan ti Luk ŋmee ti na 12:1

Binib churbaka aah nan kuun Yesu chee ki ti taar tɔb pu pu na, le u bui waadidiliib, “Ni li nyi Farisii yaab aabimbin aah bi pu na, ki taa li bi kina man. Bi ŋmanni ke bi ye bininyaam, kaa ye.

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

1 Korenti 3:3

Ba pu? ni laa beenin bi ke binib bi dii dulnyaa aasan na la. Ni ponn ni bibaa kpa lipiipoln ki kpak tɔb kinikpakpak. Nima le mɔk ke ni dii ke dulnyaa aanib aah dii pu na, ki ŋani ke dulnyaa yaab na.

1 Korenti 5:1

Tɔ, bi tee len ke kininsuŋ aatuln bi nikaasisik ni, ke ni ponn ni ubaa gaa ute aapuu. Hali binib bi kaa dii Uwumbɔr aasan na aa ŋani kina.

1 Korenti 5:6

Naa ŋan ke ni li kpa kipupuk. Naa nyi ke boroboro aanyɔk siib le cha boroboromɔn duuni ii?

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

2 Korenti 2:17

Ti mu aa mooni Uwumbɔr aabɔr ŋimombil pu ke binib pam aah ŋani pu na. Uwumbɔr le tun timi ke ti moon waabɔr. Nima pu le ti ye binib bi len mbamɔn na, ki mooni Uwumbɔr aabɔr unimbil ni, Kristo aapɔɔn pu.

2 Korenti 8:8

Maah len pu na, naa ye ke m muk nimi ke ni tii. M tuk nimi ke Yesu aanib biken aanimbil man ke bi tii u ipiin, ke m bee ni mu aah gee u pu na.

Efesusi 6:24

Tidindaan Yesu Kristo ŋa tinyoor ŋa binib bimɔk gee u n‑yoonn mu kaa kpa ndoon na pu.

Ikaal 16:16

“Nimi aatiŋ ni aajab mɔmɔk kuun dan nin chee ni dooni Uwumbɔr na, ki nan doon u nfum mutaa libiln libaa ni: Lakr‑jer Aajim, ni Lijikaacheel Aajim, ni Tikakar Aajim aayoonn. Uja mɔk li joo ni ipiin waah ŋman pu na,

Ikaal 16:3

Ni yaa ban ni ji tijikaar ngbaan kan, ni taa ŋmɔ boroboro u kpa boroboro aanyɔk na. N‑yoonn ngbaan kan, ni taa ŋmɔ boroboro u kpa boroboro aanyɔk na ki ti saa iwiin ilole, ke naah nan ban ni nya Ijipt aatiŋ ni woween ki ŋman pu na. Ni li ŋmɔ boroboro ngbaan aaboln; ni ga li yin u ke falaa aaboroboro la. Ni li teer nwiin mundaal ni nan nyan Ijipt aatiŋ ki ti nan jin falaa ki ponn ni na, n‑yoonn mɔmɔk.

Josua 24:14

Josua nan ki bui bi ke, “Kina pu na, ni li nyuŋni Uwumbɔr, ki gaa u iŋaal ilee, ki li dii u mbamɔm. Ni di ŋiwaa ŋi niyaajatiib nan dooni ŋi Mesopotamia, ni Ijipt aatim ni na lii, aan ki dii Uwumbɔr baanja.

1 Piita 4:2

Nima pu na, naah laa bi dulnyaa wee ni na, ni taa ki kii nisui aah gee pu na, ni li keei Uwumbɔr aah gee pu na.