1 Korenti 5:2 - Uwumbɔr aagbaŋ

² Nimi ŋani kina la, ki mu kpa kalmbaani. Ba ŋa naa bii nisui? Ni ŋan ke ni nyan unii u ŋa kina na nikaasisik ni.

UWONBƆR A GBƆNPƆŊ LIKƆƆNL

² Le ni jɔɔ kalanbaani! Naa bi ye ni li mɔr le ki sin nyan uja wan tun iwanjaab toon nmɔn ni gbanann nin naa?

1 Korenti 5:2 ပူးပေါင်းရင်းမြစ်များ

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Esekiel 9:6

Ku bijaninkpiib, ni binachipɔm, ni bipiisapɔm, ni bipiib bi joo mbim na, ni mbim man. Ni taa meeh unii umɔk kpa kidaan uyigbeer pu na. Piin Maadichal ni do man.” Kina pu na, bi nan di bisalolm bi si Uwumbɔr Aadichal ni nima chee na le piin.

Nkahm 25:6

Buyoonn Moses ni Israel yaab biken nan si wii Uwumbɔr Aabool aabisamɔb chee na, le Israel aanii ubaa yoor ni Moab yaab aapii ubaa, ki di koo waadiik ni, Moses ni biken aanimbil ni.

1 Korenti 4:18

Ni ponn ni bibaa kpa kalmbaani, ki dak ke maan dan ni chee.

2 Korenti 12:20

M san ijawaan ke m yaa fuu ni ni chee kan, naah bi pu na aan li mɔ mi, m mu aah ga li bi pu na aan li mɔ nimi mu. M san ijawaan ke m ga nan mui ni bi kpak tɔb kinikpakpak, ki kpa lipiipoln tɔb pu, ki gee liŋuul tɔb pu, ki yakr tɔb, ki sii tɔb, ki bii tɔb, ki kpa kalmbaani, ki ŋma tijar,

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.