1 Korenti 5:1 - Uwumbɔr aagbaŋ

¹ Tɔ, bi tee len ke kininsuŋ aatuln bi nikaasisik ni, ke ni ponn ni ubaa gaa ute aapuu. Hali binib bi kaa dii Uwumbɔr aasan na aa ŋani kina.

UWONBƆR A GBƆNPƆŊ LIKƆƆNL

¹ Ni ye ibamɔn le ke iwanjaab toon be ni sisiigin, nan wee ban kaa ye biwonjiɛm kaa li chee tun ni: N gbir ke uba be do ki dɔɔ nin u baa a poo.

1 Korenti 5:1 ပူးပေါင်းရင်းမြစ်များ

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 37:2

Jakob aamaal aabɔr sɔ: Ujapɔɔn Josef nan ye ŋibin kipiik ni ŋilole aanachipɔnbo la, le u ni ukpetiib kpaa bite aawakor, u ni ute aapuutiib Bilha ni Silpa aabim le nan kpaa tiwakor ngbaan. U nan joo ni ukpetiib aabɔr ti kaa ŋan na le ki nan tuk ute.

Mpiin 49:4

Aa bi ke nnyusakpem aah fii ki lir ki kpa kifuuk pu na la, saah koo doon mpuu chee, ki bii aate aawandookaan na, saan li ye uninyuun aanaatiib ponn ni.

2 Samuel 16:22

Kina pu le bi ŋa likekeln aabool, libɔrdichal aapaacham tii Absalom, le Absalom koo li ni ki ti doon ute aapuutiib waatiir ngbaan chee, binib mɔmɔk aanimbil ni.

2 Samuel 20:3

David aah ti fuu waadichal ni, Jerusalem aatiŋ ni na, le u cha binib kii upuutiib waatiir kipiik bi u nan cha bi gaar puwɔb ke bi li kii libɔrdichal ngbaan na. U nan kpiini ki lik bi pu, ki mu aa nan ki doo bi chee. Baa nan ki nya lipaal, ki bi ke bikpopiib na la, ki ti saa baakun daal.

1 Bibɔrb Aabɔr 5:1

Jakob aajapɔpol Rubenn aayaabitiib aayimbil sɔ: Rubenn aah nan gaa ute aapuu waatiir ubaa na, waa nan ki kpa nsan u ji tininkpir aafaal ute chee. Unaal Josef le nan gaa kina aasan.

Jeremia 2:33

Ni sil nyi naah ga ban bɔtiib pu na. Hali bipiib bi joo bibaa kooh na ga ŋmaa bae ni chee.

Esekiel 16:47

Aasui nan piin ke aa di aataa taŋ baataa ni, ki li tun ŋitun ŋi sukr ponn ni na aa? Aayii, naa nan yunn le aa nan tun kina aatun ki jer baah nan tun pu na, saatuln mɔmɔk ni.”

Esekiel 22:10

Bibaa doo bitetiib aapuutiib chee. Bibaa mu chur bipiib bi bi baapiir ni na mpɔɔn ki doo bi chee.

Liifai Yaab 18:8

Taa koo ki ti doon aate aapuutiib ubaa chee ki jinn aate inimɔɔn.

Liifai Yaab 20:11

Uja yaa koo ti doon ute aapuu chee kan, u jinn ute inimɔɔn la, le ni ga kpaan ki ku uja ni upii ngbaan mɔk bilee. Bima bilee ngbaan le ku bibaa.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Lituln 15:20

Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

Lituln 15:29

Ni ŋan ke ni taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook. Ni yaa kii kina kan, nima le ŋan. Uwumbɔr ter nimi.”

1 Korenti 1:11

Nnaabitiib, Kloe aachiln ni aanib tuk mi ke kinikpakpak bi nikaasisik ni.

1 Korenti 5:11

Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

1 Korenti 6:13

Bibaa len ke lipuul pu le tijikaar bi, le tijikaar mu pu, lipuul bi. Tɔ, Uwumbɔr ga cha ni mɔmɔk nilee ŋa yɔli. Timi aawon tee aa bi kidagook aatuln pu, ti bi Tidindaan aatuln pu la. Tiwon mu ye Tidindaan yaan la.

1 Korenti 6:18

Ni di cha kidagook aatuln. Unii yaa tun titunwanbir kan, naa bi tiwon ponn ni, see kidagook aatuln. Unii u gɔr kidagook na, u ŋa uma ubaa aawon bakaa la.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.

2 Korenti 2:5

Ni ponn ni ubaa yaa tun titunwanbir ki bii nsui kan, naa ye nsui baanja le u bii, ni mɔmɔk aasui le u bii. M mu aa ban ke m len tibɔr ngbaan ki ti chaar jer.

2 Korenti 7:12

Maah nan ŋmee kigbaŋ ngbaan tii nimi na, naa ye unii u tun titunwanbir na pu le m nan ŋmee ki, kaa ye bakaa aah kan u na pu le m ŋmee ki. M nan ban ke Uwumbɔr mɔk nimi naah gee timi mbamɔm pu na. Nima le cha m ŋmee ki,

Galantiya 5:19

Mbimbikpok aatuln bi lipaal la. Binib bi dii kina na le gɔr kidagook, ki tun tijɔŋ aatuln, ni inimɔɔn aatuln,

Efesusi 5:3

Naah ye Uwumbɔr aanib na, ni taa gɔr kidagook, ki taa tun tijɔŋ aatuln libaa, ki taa li kpa iniman. Ni taa po len lituln limina aaboln aabɔr.

Ikaal 22:30

“Uja taa doon ute aapuu ubaa chee ki jinn ute inimɔɔn.

Ikaal 27:20

“‘Uwumbɔr aamɔpuur bi unii umɔk doon ute aapuu chee ki jinn ute inimɔɔn na pu.’ “Le binib ngbaan mɔmɔk ga kpaan ki kii ke, ‘Amii.’

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

1 Tesalonika 4:7

Uwumbɔr yin timi ke ti li bi chain. Waa yin timi ke ti li gɔr kidagook.

Tibɔkpiirkaan 2:21

M tii u nsan ke u kpeln waabimbin, u mu aa ban u di cha kidagook aatuln.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

1 Samuel 2:24

Njapɔtiib, di cha man ni. Tiwan ni Uwumbɔr aanib len naabɔr na aa ŋan kpala.