1 Korenti 4:4 - Uwumbɔr aagbaŋ

⁴ Maa nyi tiwan nibaa nsui ni aan naa ŋan. Nimina mu aa mɔk ke maabɔr ŋan Uwumbɔr chee. Tidindaan le ye u ji mi tibɔr na.

UWONBƆR A GBƆNPƆŊ LIKƆƆNL

⁴ Maa tiɛr n galin yi, amaa naa wɔɔn ke maa tun tibiri, Uyudaan le ji n bɔr.

1 Korenti 4:4 ပူးပေါင်းရင်းမြစ်များ

Job Aagbaŋ 15:14

Unibɔn ulau bi chain? Ŋma ga li ŋan Uwumbɔr chee ki ti doo?

Job Aagbaŋ 25:4

Ŋma ye ki kpa mbimbinyaan ki bi chain Uwumbɔr chee?

Job Aagbaŋ 27:6

Maan di cha ki bui ke maabɔr bii daalbaadaal; m nyi ke maa kpa taani.

Job Aagbaŋ 9:20

Maa kpa taani le ki tun ni ŋan na, tɔ, maamɔbon mu tee naahn ŋaah kpa na, le maah len tibɔr timɔk na naahn taah bii mi le na.

Ilahn 130:3

Aa yaa ba ŋmee timi aatunwanbir mɔmɔk bilni kan, ubaa aa ba ga ŋmar kaa kpo.

Ilahn 143:2

Taa ji mi, saatutunn tibɔr; ubaa aa bi kaa kpa taani aa chee.

Ilahn 19:12

Ubaa aan ŋmaa kan waah yenn waatuln ponn ni nin chee na; Uwumbɔr, nyan mi titunwanbir ti bɔr na ni,

Ilahn 26:12

M ŋmar tibɔr mɔmɔk chee a; Uwumbɔr aanib mɔmɔk aakuun ni, le m pak u.

Ilahn 50:6

Paacham len ke Uwumbɔr aabimbin ŋan, ke uma le ye ubɔjir.

Ŋiyataŋak 21:2

Teer ke Uwumbɔr lik ki nyi saabimbin mɔmɔk, kina pu na, taa dak ke saah ŋani tiwan nimɔk na ŋan la.

Ŋiyataŋak 29:26

Unii mɔk ban waajojoor chee nterm la, Uwumbɔr mu baanja chee le ibamɔn bi.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Lituln 23:1

Le Pɔɔl lik bi, ki len ke, “Nnaabitiib, m bee nsui ni ke maabimbin le ŋan Uwumbɔr chee ki nan saa din.”

Rom Yaab 2:13

Uwumbɔr aan len ke binib bi nyi waakaal kaa dii mu na aabɔr ŋan. U ga len ke binib bi dii waakaal na le aabɔr ŋan.

Rom Yaab 4:2

Ni yaa ba ye waatunyaan pu le cha Uwumbɔr len ke waabɔr ŋan kan, u ba ga ŋmaa li kpa kipupuk. U mu aa ŋmaa li kpa kipupuk Uwumbɔr chee.

1 Korenti 4:3

Mma kan, nimi, bee dulnyaa ni aanib yaa ji mi tibɔr kan, ntafal aa bi ni ni. M mu aa ji mbaa tibɔr.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.